Mavzu: Bir o`zgaruvchili uzluksiz funksiya

^{O’ZBEKISTON RESPUBLIKASI} OLIY VA O’RTA MAXSUS TA’LIM VAZIRLIGI FARG’ONA DAVLAT
UNIVERSITETI MATEMATIKA - INFORMATIKA
FAKULTETI
matematika yo’nalishi 20.03-guruh talabasi Abdug’afforov Muhammadqodirning Matematik analiz asoslari fanidan “Bir o`zgaruvchili uzluksiz funksiya”
m avzusida

Qabul qildi: Shahnoza Nishonova

Farg’ona - 2022

Mavzu: Bir o`zgaruvchili uzluksiz funksiya

1. Kirish

2. 
   Asosiy qism
   

1. Bir va ko`p o`zgaruvchili funksiya

2. 
   Bir va ko`p o`zgaruvchili funksiya limiti
   

3. Bir va ko`p o`zgaruvchili funksiya uzluksizligi

4. 
   Bir o`zgaruvchili funksiya hosilasi va differensiali
   

3. Xulosa

4. 
   Foydalanilgan adabiyotlar
   

Farg’ona davlat universiteti

Matematika – informatika fakulteti matematika yo’nalishi 20.03 – guruh talabasi Abdug’afforov Muhammadqodirning Matematik analizasoslari fanidan “Bir o`zgaruvchili uzluksiz funksiya” mavzusida yozilgan kurs ishiga

TAQRIZ

Ushbu kurs ishi kirish, 4 ta reja, xulosa va foydalanilgan adabiyotlar ro‘yxatidan iborat. Kurs ishida dastlab funksiyaga ta’rif, hamda uzluksizlik haqida tushunchalar berilib, berib so’ngra bir va ko’p o’zgaruvchili funksiyalar tushuntirilib unga doir misollar ishlangan.
Kurs ishi 36 varoq hajmida yozilgan, 9 turdagi rasmlar chizib ko’rsatilgan, ta’riflar va 4 nomdagi adabiyotlar ro‘yxati keltirilgan, ular o‘quv qo‘llanmalari, XX asrning ikkinchi yarmida chop etilgan darsliklar hamda keng foydalanilayotgan internet saytlarini o‘z ichiga oladi. Kurs ishida to’xtalgan barcha mavzularga doir ta’riflar misollar orqali yoritib berilgan, bu esa o’quvchi uchun mavzuni tushunishda qulaylik yaratadi deb o’ylayman.
Ushbu kurs ishi kurs ishiga qo‘yilgan barcha talablarga javob beradi deb hisoblayman va himoyaga tavsiya etaman.

Ilmiy rahbar: Shahnoza Nishonova

Kirish

Soʻnggi yillarda mamlakatimizda oliy ta’lim sifatini oshirishga qaratilgan bir qancha chora-tadbirlar amalga oshirilmoqda. Chunki, jahon talablari darajasidagi raqobatbardosh kadrlar tayyorlash maqsadida talabalarga dunyo standartlariga javob beradigan bilim va koʻnikmalar berish bugungi kunning eng dolzarb masalalaridan biri boʻlib qolmoqda.
Mamlakatimizda matematika 2020-yildagi ilm-fanni rivojlantirishning ustuvor yo‘nalishlaridan biri sifatida belgilandi. O‘tgan davr ichida matematika ilm-fani va ta’limini yangi sifat bosqichiga olib chiqishga qaratilgan qator tizimli ishlar amalga oshirildi:
birinchidan, ilg‘or ilmiy markazlarda faoliyat yuritayotgan vatandosh matematik olimlarning taklif qilinishi va xalqaro ilmiy-tadqiqotlar olib borilishi uchun zarur shart-sharoit yaratildi;
ikkinchidan, xalqaro fan olimpiadalarida g‘olib bo‘lgan yoshlarimiz va ularning murabbiy ustozlari mehnatini rag‘batlantirish tizimi joriy etildi;
uchinchidan, oliy ta’lim va ilmiy-tadqiqotlarning o‘zaro integratsiyalashuvini ta’minlash maqsadida Talabalar shaharchasida Fanlar akademiyasining V.I. Romanovskiy nomidagi Matematika institutining (keyingi o‘rinlarda — Institut) yangi va zamonaviy binosi barpo etildi. Matematika sohasidagi fundamental tadqiqotlarni moliyalashtirish hajmi bir yarim barobarga oshirildi, budjet mablag‘lari hisobidan superkompyuter, zamonaviy texnika va asbob uskunalar xarid qilindi;
to‘rtinchidan, ilmiy darajali kadrlarni tayyorlashning birlamchi bosqichi sifatida stajor- tadqiqotlik instituti joriy etildi;
beshinchidan, ilm-fan sohasidagi ustuvor muammolarni tezkor bartaraf etish, fan, ta’lim va ishlab chiqarish integratsiyasini kuchaytirish masalasini Hukumat darajasida belgilash maqsadida O‘zbekiston Respublikasining Bosh vaziri raisiligida Fan va texnologiyalar bo‘yicha respublika kengashi tashkil etildi.
Shu bilan birga, sohada yechimini topmagan qator masalalar matematika sohasidagi ta’lim sifati va ilmiy-tadqiqot samaradorligini oshirishga qaratilgan chora- tadbirlarni amalga oshirish zaruratini ko‘rsatmoqda. Jumladan:
birinchidan, matematika ta’limotining ta’lim olish bosqichlari o‘rtasidagi uzviylik to‘liq ta’minlanmagan;
ikkinchidan, umumta’lim maktablarida matematika darsliklari o‘quvchilarning yoshiga nisbatan fanni o‘zlashtirishni qiyinlashtiruvchi murakkab masalalardan iborat va boshqa fanlarda o‘tiladigan mavzular bilan uyg‘unlashtirilmagan;
uchinchidan, matematikaga qiziquvchan, xalqaro olimpiadalar g‘oliblari bo‘lgan aksariyat iqtidorli yoshlarimiz hududlardan bo‘lishiga qaramasdan ularning kelgusi rivojlanishi uchun oliy ta’lim va ilm-fan sohasida zarur shart-sharoit yaratib berilmagan;
to‘rtinchidan, matematika sohasidagi ilmiy-tadqiqotning amaliyot va ishlab chiqarish bilan bog‘liqligi zaifligicha saqlanib qolmoqda;
beshinchidan, sohadagi olimlarning xorijiy ilmiy va ta’lim muassasalari bilan aloqalari milliy matematikani jahon miqyosiga olib chiqish, xalqaro hamjamiyatda nufuzini oshirish uchun yetarli emas.
Matematik analiz fani matematikaning fundamental boʻlimlaridan biri boʻlib, u matematikaning poydevori hisoblanadi. Matematik analiz kursi davomida koʻpgina tushuncha va tasdiqlar, shuningdek, ularning tatbiqlari keltiriladi. Matematik analiz fanining asosiy vazifasi shu fanning tushuncha, tasdiqlar va boshqa matematik ma’lumotlar majmuasi bilan tanishtirishgina boʻlmasdan, balki talabalarda mantiqiy fikrlash, matematik usullarni amaliy masalalarni yechishga qoʻllash koʻnikmalarini shakllantirishdan iborat.