Mavzu: aminokislotalar va oqsillar oqsillarga sifat reaksiyalar. Darsning maqsadi

Tirozinga xos rangli reaksiya (Millon reaksiyasi).
Probirkaga bir necha mg tirozin soling, uning ustiga 5 ml 2,5 %li sulfat kislota eritmasi quying va to‘la erib ketguncha aralashtiring. Hosil bo‘lgan eritmaga 1 ml Millon reaktivi (simob (I)-nitrat, simob (II)-nitrat aralashmalarini kons. nitrat kislotadagi eritmasi) qo‘shing va xona temperaturasida bir necha minut qoldiring. Bunda eritma to‘q qizil rangga kiradi. Agar eritma biroz qizdirilsa rang hosil bo‘lishi tezlashadi.
Shunday reaksiya fenilalanin va triptofanda ham kuzatiladi.
Argininga xos reaksiya (Sakaguchi reaksiyasi).
Probirkaga argininning 0,01 %li eritmasidan 2 ml quying, unga natriy gidroksidning 10 %li eritmasidan 2 ml va bir necha tomchi -naftolning spirtdagi 0,2 %li eritmasi qo‘shing. Probirkadagi aralashma yaxshilab aralashtiring va unga 0,5 ml natriy gipobromit eritmasi qo‘shib yana aralashtiring. Bunda eritma darhol qizil rangga bo‘yaladi. Reaksiya mexanizi to‘la aniqlanmagan.
Gistidinga xos rangli reaksiya (Pauli reaksiyasi).
Sulfanil kislotasining 5 % li xlorid kislotadagi 1 % li 1 ml eritmasiga 2 ml natriy nitritning 0,5% li eritmasi qo‘shib kuchli aralashtiring. So‘ng unga tezda 2 ml gistidinning 0,01 %li eritmasi, keyin 6 ml natriy karbonatning 10 %li eritmasi qo‘shing. Bunda intensiv qizg‘ish binafsha rang hosil bo‘ladi.
Ningidrin reaksiyasi.
Aminokislotalarning hammasi (umuman birlamchi aminoguruh tutuvchi organik birikmalar) ningidrin bilan qizdirilganda binafsha rang hosil qiladi.
Probirkaga 1 ml aminokislota eritmasi va 5-6 tomchi ningidrinning spirtdagi yoki atsetondagi eritmasi solib qizdiring. Natijada aralashma binafsha rangga bo‘yaladi.
Aminokislotalarni bipolyar ion xossasini ko‘rsatish.
Probirkaga glitsinning 2 % li eritmasidan 4 ml quyib unga bir tomchi metiloranj eritmasi qo‘shing. Natijada eritma sariq rangga bo‘yaladi. Eritmaga 2 ml neytrallangan formalin qo‘shilsa formaldegidni aminoguruhga bog‘lanishi natijasida pushti rang hosil bo‘ladi.