Mavzu 15-16. Vitamin saqlovchi dorivor o’simliklarni bioekologiyasi Reja

Mavzu:23. O’zbekiston Davlat milliy bog’lari va bioxilmaxilligi


Reja:

1. 
   Milliy tabiat bog’lari
   
2. 
   O’simliklar bioxilma-xilligi
   

Tayanch iboralar:Milliy bog’,biologiya, ekologik omil, dorivor o’simlik, yuqori bog’, pastki bog’.

1. 
   Milliy tabiat bog’lari Yurtimizda atrof-muhitni muhofaza qilish, o’rmonzorlarni kengaytirish, noyob o’simlik va hayvonot turlarini ko’paytirish borasida keng ko’lamli ishlar amalga oshirilmoqda. “Ugom — CHotqol” davlat milliy tabiat bog’i ana shunday amaliy sa’y-harakatlar tufayli atrof-muhit musaffoligida tobora muhim ahamiyat kasb etayotgan -tabiiy hududlardan biri sanaladi. Bog’ning o’ziga xos iqlimi, o’rmonzorlari, katta-kichik jilg’a, soy hamda daryolari, umuman, go’zal va maftunkor tabiati hech bir kishini e’tiborsiz qoldirmaydi.
   

Mamlakatimiz mustaqilligining 25 yilligi oldidan O’zbekiston Respublikasi Tabiatni muhofaza qilish davlat qo’mitasi tomonidan mazkur bog’ga uyushtirilgan mediatur chog’ida bunga yana bir karra amin bo’ldik.
Hududning turizm salohiyatini rivojlantirish, dam olish hamda sayohat qilish shart- sharoitlarini yaxshilash, sayyohlarni ushbu maskan bilan kengroq tanishtirish borasida yangi loyihalar hayotga tatbiq etilayotir. Bu esa turistlar oqimining yanada ko’payishiga xizmat qilayapti.
— “Burchmulla”, “CHirchiq” o’rmon xo’jaliklari o’rmon fondi yerlarining qo’shilishi natijasida tashkil etilgan “Ugom — CHotqol” davlat milliy tabiat bog’i respublikamizning muhim ahamiyatga ega tabiiy hududi hisoblanadi, — deydi qo’mita mas’ul xodimi
X. Asilbekova. — U Bo’stonliq, Parkent va Ohangaron tumanlariga qarashli 574,6 ming gektar maydonni egallaydi. Bu yerda “CHotqol” davlat biosfera qo’riqxonasi, ikkita ovchilik hamda “Burchmulla” va “Ohangaron” o’rmon xo’jaliklari, 200 ga yaqin dam olish hamda bolalar sog’lomlashtirish maskanlari joylashgan. Bog’ hududida ko’plab dorivor giyohlar o’sadiki, ulardan ham belgilangan tartibda foydalanilmoqda.
Bugun bog’da 1800 ga yaqin o’simlik, 230 ta hayvonot turi mavjud. SHundan nabotot olamining 74 turi, jonivorlarning 38 turi O’zbekiston “Qizil kitob”iga kiritilgan. Hozirgi kunda hududda biologik xilmaxillikning holati, undan barqaror foydalanish hamda muhofaza qilish maqsadida fundamental va amaliy tadqiqotlar olib borilayapti.
Mediatur doirasida ishtirokchilar tabiat bog’idagi 30 dan ziyod ekoturistik marshrutlar bilan ham yaqindan tanishdilar.
Mustaqillik tufayli milliy boyligimiz bo’lgan tabiatni, hayvonot hamda nabotot olamini asrash va boyitishga davlat siyosati darajasida e’tibor qaratilayotir. O’zbekiston Respublikasining “O’rmon to’g’risida”, “Tabiatni muhofaza qilish to’g’risida”, “Ekologik nazorat to’g’risida”gi qonunlari qabul qilindi. Bularning barchasi tabiat boyliklaridan oqilona foydalanish, ularga nisbatan to’g’ri
munosabatda bo’lishning huquqiy asoslarini yaratibgina qolmay, atrof-muhit musaffoligini ta’minlashga xizmat qilayotgani bilan ham ahamiyatlidir.