Mavzu : miqdoriy analiz

Streptokokklar.

• Streptokokklar Streptococcus avlodiga, Streptococcaceae oilasiga kiradi. Berdji klassifikatsiyasi bo‘yicha streptokokklar avlodi 2 ta turni o‘z ichiga oladi. Streptokokklar T. Bilrot tomonidan 1874 yilda saramas kasallligiga chalingan bemorning yaralardan, L.Paster va boshqalar tomonidan esa septik kasalliklarda topilgan va yiringli yallig‘lanishlarni o‘rganishda Ogston tomonidan 1881 yilda batafsil ifodalangan. F Fleyzen (1883 y) va F.Rozenbax (1884 y) tomonidan sun’iy muhitlarda streptokokklarning sof hosilasini ajratib olishga muvaffaq bo‘lishdi.
• Morfologiyasi. Streptokokklar sharsimon ko‘rinishga ega bo‘lib, 6-1,0 mkm xajmga ega, surtmada zanjirsimon joylashadi, harakatsiz, spora hosil qilmaydi, ayrim turlari mikrokapsulaga ega, grammusbat.

Streptokokklar

• O‘stirilishi. Aerob, fakultativ anaerob. Optimal o‘sish temperaturasi 37o S, o‘sish diapozoni 20-40o S, ichakda yashaydigan enterokokklar uchun - 10- 45 o S. Qandlik, qonlik, zardoblik va assit suyuqligi qo‘shilgan muhitlarda yaxshi o‘sadi. Muhit sharoiti 7,2-7,6 ga teng bo‘lishi kerak. Qattiq muhitlarda mayda, tiniq bo‘lmagan, biroz kulrangroq, yoki oq-kulrang, donodor koloniyalar hosil qiladi.
• Streptokokklar qandlik bulonlarda probirka devoriga yopishgan holda yoki probirka tagida mayda donodor cho‘kma holida o‘sadi. Ayrim hollarda bulonni loyqalatib o‘sadi.
• Fermentativ xossalari. Streptokokklarning turli shtammlarining fermentativ faolligi har xil. Ularning ko‘pchiligi glyukoza, saxaroza, maltoza, laktoza, salitsin, eskulin, tregalogzalarni kislota hosil qilib parchalaydi. Patogen streptokokklar jelatinann suyultirmaydi, nitratlarni nitritlargacha qaytarmaydi. Sutni ivitadi, fibrinni erigadi.
• Chidamligi. Streptokokklar stafilokokklarga nisbatan tashqi muhitga chidamsiz, ammo past haroratda uzoq vaqt saqlanib qoladi. Streptokokklar qurigan yiring, balg‘am va boshqa oqsil moddalar bilan o‘ralgan holda bir necha oygacha o‘z faolligini yo‘qotmaydi. 70 o S haroratda 1 soatda, fenolning 3-5% li eritmasi ta’sirida esa 15 daqiqada o‘ladi