Матбабаев М. М. “Электр техникаси, электр механикаси ва электр технолгиялари” кафедраси

4.5.-Расм Тортувчи печь


Эритиш печлари - бу печлар алюминий, магний ва ва унинг қотишмаларини эритиш учун қўлланилади. Саноатда тигелли ва камерали печлар ишлаб чиқарилади.
Сиғими 0,16  0,6 т бўлган тигелли печлар – қуйиш саноатида тарқатувчи сифатида ишлатилади. Алюминий эритишга мўлжалланган 0,16  0,6 т сиғимли камерали печлар фасонли қуймалар олиш учун ишлатилади. Бу печларда қиздириш элементлари тагликда футеровка пазларида жойлаштирилади ва улар иссиқликни тўғридан -тўғри эритиладиган алюминийга йўналтиради, чунки унинг ютиш коэффициенти жуда кичик (0.30.4). Қиздириш элементларнинг ҳарорати t⁰=1000-1100⁰ С гача етади. Бу қиздиргичларни хизмат қилиш муддатини камайишига олиб келади, бундан ташқари иссиқлик исрофи юқори, бир тонна металлни эритиш учун зарур бўлган электр энергиясининг миқдори 600700 кВт-соатни ташкил қилади.


Юқори ҳароратли электр печлари.

Бу печлар вакуумли ва нейтрал газ муҳитли бўлади.

Юқори ҳароратли печларда қуйидаги технологик процесслар амалга оширилади:

1.Қийин эрувчи ва химик жиҳатдан актив материалдан тайёрланган маҳсулотларни яхлитлаш.

2.Қийин эрувчи металл ва қотишмаларга термик ишлов бериш.
3.Монокристалллар олиш ва уларга термик ишлов бериш.
4.Қийин эрийдиган металл ва қотишмаларни эритиш ва рафинация қилиш.


Асосий конструктив фарқлари.

1.Печь қопламаси (кожух) герметик қилиб ишланган.

2.Қиздиргичлар сифатида фақат қийин эрийдиган металлар ва графит қўлланилади.
3.Печь камераси тез газсизланадиган металлардан қилинади.
4.Вакуумли затвор ва вакуумли зичлаштиргич мавжуд.
5. Хавони суриб чиқариш системаси мавжуд.

Даврий ишловчи вакуумли печлар - камерали, шахтали, қалпоқли ва элеватор типларига бўлинади.

Узлуксиз ишловчи вакуумли печлар қаторига туртиш печлари, қўзғалувчан тагликли печлар, туннель печлари киради.