Матбабаев М. М. “Электр техникаси, электр механикаси ва электр технолгиялари” кафедраси

3.1.- Расм. Даврий ишловчи электр қаршилик печлари
а) қалпоқли; б) элеваторли; в) камерали; г) шахтали.
Таглиги суриладиган печлар – камерали печларни механизациялаштирилган модификацияси ҳисобланади. Печнинг таглиги камера ичига киради ва қиздиришдан сўнг орқага қайтади. Печь катта габаритли маҳсулотлар – куймалар, прокат, пайванд қилинган жисмларни куйдириш учун хизмат қилади.
Стендда ўрнатилган юкланма иссиқбардош муфель билан беркитилади, қуйи қисмидан эса газ берилади. Пўлатнинг айрим навлари учун вакуумда қиздириш талаб қилинади: бунинг учун печлар вакуум системаси билан қўшимча жиҳозланади ва муфель тагида сийракланиш жараёни пайдо бўлади.
Электр печлар - ванналар – махсус узун ва юпқа деворли металл маҳсулотларни термик қайта ишлаш учун қўлланилади. Уларда қизиш суюқ иссиқлик ташувчи (мой, тўз эритмалари, ишқор)лар орқали амалга оширилади.
Печь – ванналар қуйидагича бўлади: ташқи қиздиришли, иссиқлик ташувчига туширилган трубкасимон электр қиздиргичлар орқали ички қиздиришли; электрод группалари орқали ички қиздиришли – бу ҳолда ток электродлар орасидаги иссиқлик ташувчида оқади. 1300⁰С гача бўлган ҳароратга оксидламасдан қиздиришга мўлжалланган электрод туз ванналари жуда кенг тарқалган.
7-Мавзу. Узлуксиз ишловчи электр қаршилик печлари. Юқори ҳароратли электр печлари.


Режа:
1.Узлуксиз режимда ишловчи электр қаршилик печлари (ЭҚП) тўғрисида умумий тушунчалар.
2.Узлуксиз режим ЭҚПларнинг турлари.


Таянч иборалар: Туннель типидаги, рольганг типидаги, конвейер типидаги, туртиб қиздириш, барабан типидаги, карусель типидаги, тортиб қиздириш, эритиш печлари.

Узлуксиз ишловчи печларда маҳсулотлар қизиш жараёнида юклаш тирқишидан юксизлантириш бўлимига ўтади. Печлар кўп зонали қилиб ишланади. Ҳар бир зона қуввати температурага боғлиқ ҳолда мустақил ростланувчи қизитиш элементларига эга.

Узлуксиз ишловчи печлар турларининг номи кўпинча юкланмани кўчирувчи механизмнинг турига мос келади.


Конвейер типидаги печлар – бу печлардаги маҳсулотлар конвейер лентасида харакатланади (4.1.-расм). Печь иссиқликдан изоляция қилинган 1 корпусга эга бўлиб, қиздириладиган маҳсулот 3 юклаш дарчаси 2 орқали конвейер 5 лентасига қўйилади ва у печнинг ишчи фазоси бўйлаб харакатланади. Лента барабанларга тортиб ўрнатилади ва бу барабанлардан биттаси етакловчи бўлади.