Mashinalarni traktorga ulash usullari va qurilmalari, ularni tuzilishi va ishlashi

Mexanik usulda ishlaydigan rolikli tozalagich (3.14-rasm) tugunaklarni tuproq va chiqindilardan tozalaydi.
Tozalash jarayoni quyidagicha amalga oshiriladi. Kartoshka tugunaklari bunkerga 1 solinadi va transportyor 2 orqali ajratuvchi roliklar 3 ustiga kelib tushadi. Bunda tugunaklar roliklar 3 bilan keyingi roliklarga 4 o‘tkaziladi, mayda chiqindilar roliklar 3 orasidan o‘tib yer yuzasiga to‘kiladi. Tozalangan kartoshkalar roliklar 3 yordamida tozalangan kartoshkalar transportyori 4 ga uzatiladi.
Tozalash talablariga mos holda roliklar 3 orasining kengligi ularni o‘nga yoki chapga surib rostlanadi.
Gidrodinamik usulda tugunaklarni zichligi bo‘yicha suyuq suspenziyada tosh va kesaklardan ajratish mumkin. Tozalash jarayoni (3.15 -rasm) quyidagicha amalga oshiriladi.
Katta idish 1 ning ichiga suspenziya (zichligi suv zichligidan ortiqroq bo‘lgan, kartoshka cho‘kmaydigan aralashma) quyilgan bo‘lib, uning ichiga transportyor 2 tozalanadigan mahsulotni keltirib tashlaydi. Idishdagi suyuqlik vintsimon 3 moslama yordamida soat mili bo‘yicha doimiy harakatga keltiriladi, suspenziyaga tushgan mahsulotdagi tugunaklar suyuqlik betiga qalqib chiqadi va toza kartoshka transportyor 4 ga qarab suzadi.Transportyor 4 esa o‘z navbatida tuganaklarni maxsus idishga yetkazib tashlaydi.
Mahsulotdagi mayda tuproq pastki transportyor 6 ustiga cho‘kindi bo‘lib tushadi, keyin chiqarib tashlanadi.

Kartoshkadan og‘ir bo‘lgan toshlar suspenziyaga cho‘kayotib, transportyor 5 ustiga tushadi va alohida idishga chiqarib tashlanadi.

Ishqalanish koeffisiyentiga asoslanib ishlaydigan moslamalar juda ko‘p bo‘lib, ular asosan quyidagicha ishlaydi. Transportyor 1 mahsulotni o‘ziga nisbatan tikroq o‘rnatilgan tranportyor 2 ga keltirib tashlaydi. Transportyor tasmasi bilan ishqalanish koeffitsiyenti ko‘proq bo‘lgan kesaklar yuqoriga ko‘tarilib, idish 3 ga tushadi. Kartoshka tugunaklari esa pastga, idish 4 tomonga yumalab tushadi.
45. . Mahsulotlarni saqlashning o‘ziga xos xususiyatlari va uning