Maruza mashg`ulotlari mavzu Pedagogik faoliyat va unga qo‘yiladigan talablar

8. O’qituvchi har bir dars mashg’ulotlariga ijodiy yondoshmog’i lozim.
Bunda ilg’or pedagogik texnologiya bo’yicha o’tiladigan darsni o’qituvchining o’zi va kasbdoshlari tomonidan tahlil qilishi bo’yicha fikr va mulohazalar muhim rol o’ynaydi. Bunday dars mashg’ulotlarini uyushtirishda faqat bilim bayon qilinib qolmay, balki uning mazmuni yoritiladi, talabalarning shaxsiy – kasbiy qobiliyatlari shakllantiriladi. Demak, har bir dars qiziqarli, ijodiy izlanuvchanlik va mustaqillik asosida qurilishi lozim. Bunda darsni to’g’ri tahlil qilish o’qituvchini yuksaklikka erishishga va o’z ustida ishlashga undaydi, istiqbolli natijalarni ilg’ay olishni o’rgatadi hamda dars samaradorligini oshiradi.
Va nihoyat to’rtinchidan, ta’lim oluvchilarning quyidagicha axborot madaniyatini shakllanganlik darajasini aniqlash mezonlari haqida to’xtalamiz:
1.Talabalarning axborot madaniyati bo’yicha boshlang’ich tushunchalarga egaligi aniqlanadi.
Bunda 4 ta ko’rsatkich e’tiborga olinadi. Ular: ma’lumot; ma’lumotlar ombori; ma’lumotning axborotga aylanishi va axborotlar banki. Bular orqali talabalarda axborot madaniyatining dastlabki bosqichi shakllana boshlaydi.
2. Talabalarda ma’lumotlarni qayta ishlash ko’nikmalarining shakllanganligi darajasi.
Bunda talabalar ma’lumotlarni to’plash va muammo maqsadiga mos ularni sinflarga ajratishni bilishi lozim hamda ta’limni boshqarishga dastlabki bosqich yaratiladi.