Ma’ruza №23 mavzu: Tarjimon dasturlar. Promt dasturlari va uning imkoniyatlari

Dasturning foydalanuvchi interfeysi elementlari
Dastur ishga tushrilganda ekranda paydo bо‘ladigan oyna dastur oynasi yoki foydalanuvchi interfeysi deyiladi.
ABBYY FineReader dasturi foydalanuvchi interfeysi quyidagi elementlardan tashkil topgan:
Sarlavhalar satri – bu satrda yangi tashkil qilingan fayl nomi, dasturni nomi va oynani boshqaruvchi 3ta tugma joylashgan.
Menyular satri – bu satrda ABBYY FineReader dasturining barcha buyruqlari bajaradigan vazifasiga qarab guruhlarga ajratilib menyularga birlashtirilgan holda keltirilgan.
Instrumentlar paneli satri – bu satrda dastur bilan ishlashda eng kо‘p kerak bо‘ldigan buyruqlar bajaradigan vazifasiga mos piktogrammali tugmachalarga boglangan holda keltirilgan.
Hujjat sahifalari oynasi – bu oynada ochilgan hujjat faylnining sahifalarining rо‘yxati piktogramma yoki jadval shaklida keltiriladi.
Tasvir oynasi – bu oynada ochilgan faylni tanlangan sahifasidagi tasvir aks etib turadi. Bundan tashqari, bu oynada yana tasvir ustida ish bajaruvchi bir qancha buyruqlar bog‘langan tugmalar va elementlar mavjud.
Matn muharriri oynasi – bu oynada belgilarni tanish jarayonida hosil bо‘lgan matnlar tahrir qilinadi.
Kattalashtirish oynasi – bu oynada tasvir oynasidagi sahifa tasvirining ajratilgan sohasi mashtabi kattalashtirilgan holda kо‘rsatiladi.
Hujjat sahifalari oynasining elementlari
Hujjat sahifalari oynasi ochilgan va ayni paytda aktiv bо‘lgan fayl matnining sahifalarini ikki xil kо‘rinishda: “piktogrammali” va va jadval kо‘rinishlarda tasvirlaydi. Bu foydalanuvchiga kerakli sahifaga tez о‘tishini ta’minlaydi. Agar fayl belgilarni tanish (распознание) jarayonidan о‘tgan bо‘lsa, jadval kо‘rinishida belgilarni tanishda yо‘l qо‘yilgan xatoliklar foizlarda kо‘rsatilib turadi. Jadval kо‘rinishga о‘tkazish uchun instrumentlar panelidan “Вид окно: Таблица”
tugmasi bosib qо‘yiladi.
Bu oynaning yuqori qismida ochilgan fayl qaysi tilda ekanligini belgilovchi “Язык документа” nomli ochiluvchi satrli maydon joylashgan. Fayl matni qaysi tilda ekanligini tо‘g‘ri belgilash belgilarni tanish jarayonida juda yaxshi natija beradi. Ayniqsa, о‘zbek tilidagilar uchun albatta “Узбекский кириллица” yoki “Узбекский латиница” tillaridan mos keladiganini kо‘rsatish kerak, aks holda “қ, ғ, ҳ, ў, о‘, g‘” kabi harflarini tanishda xatoliklarga yо‘l qо‘yiladi.