Ma’ruza №23 mavzu: Tarjimon dasturlar. Promt dasturlari va uning imkoniyatlari

PROMT tarjimon dasturi haqida boshlang‘ich tushunchalar
PROMT tarjimon dasturlar seriyasi – Rossiyaning PROMT ( PROject MT) nomli kompaniyasi tomonida ishlab chiqariladi. Hozirda kompaniya tomonidan Windows, Linux, Mac OS, iOS, Android kabi operatsion tizimlarida ishlaydigan tarjimon dasturlar seriyalari ishlab chiqarilmoqda. Windows tizimi uchun quyidagi tahririyatdagi versiyalari mavjud:
Bu tarjimon dasturlar hujjatlarni yuqori darajada sifatli tarjima qiliuvchi ishonchli mashinali tarjima tizimlaridir. Dasturlarni expert darajasida tо‘liq sozlash orqali tashkilotlar va korxonalar miqyosidagi hujjatlarni ham yuqori sifatli tarjimasiga erishish mumkin. Bundan tashqari bu dastrlar har xil formatdagi hujjatlarni, elektron pochtaga kelgan va jо‘natiladigan xatlarini, Web sahifalarni, MS Power Point formatidagi taqdimot (prezentatsiya) materiallarini avtomatik tarzda tarjima qilish imkonini beradi.
Dasturni http://www.promt.ru/ –kompaniya saytidan “Demo-versiya”sini yuklab olish mumkin. Lekin bu versiyasini 30-kun ishlatish mumkin. 30 kundan keyin esa, uni sotib olishi kerak bо‘ladi.
Bu yerda keltirilgan ma’lumotlar PROMT Professional 9.0 Giant versiyasi haqida bо‘lsada, lekin boshqa versiyalaridan shunday imkoniyatlar mavjud.
PROMT Professional 9.0 Giant dasturi zamonaviy biznes kompaniyalarining ofis ishlari uchun yaratilgan bо‘lib, dastur MS Office dasturlar paketi, Internet Explorer va FireFox brauzer dasturlari, elektron pochtaga PDF-hujjatlar va ICQ chat dasturlari bilan integratsiyalanib ketadi, ya’ni bu dasturlarda ishlash davomida kerakli matnlarni tarjima qilish mumkin bо‘ladi. Masalan MS Word 2010 dasturida “Переводчик PROMT” nomli lenta hosil bо‘ladi. Quyidagi rasmga qarang.
PROMT Professional 9.0 dasturi yordamida quyidagi turli hujjatlarni sifatli tarjima qilish mumkin:

• MS Word, MS Excel va Power Point hujjatlari;
• Internet Explorer va Mozilla FireFox brauzerlarida;
• MS Outlook Express xabarlarida;
• ICQ – mesenjer xabarlarida.

Bundan tashqari PROMT Professional 9.0 dasturi yordamida foydalanuvchi о‘zining lug‘atini, tarjima-xotira (Translation Memory) bazasini yaratish mumkin, shu bilan birga dastur imkoniyatlarini oshirish maqsadida tayyor lug‘atlardan, xotira-tarjima bazalardan va “online” lug‘atlardan foydalanishi mumkin.
PROMT Professional 9.0 dasturi “inglizcha-ruscha”, “ruscha- inglizcha”, “nemischa-ruscha”, “ruscha-nemischa”, “fransuzcha-ruscha”, “ruscha- fransuzcha”, “ispancha-ruscha”, “ruscha-ispancha” va “italiyancha-ruscha” yо‘nalishlarda hujjatlarni tarjima qila oladi.

PROMT Professional 9.0 dasturi ikki xil komplektatsiyada – “Англо-русско-английской” va “Гигант” sotuvga chiqariladi. “Гигант” versiyasi barcha yо‘nalishlarda tarjima qiladi.
PROMT Professional 9.0 dasturining asosiy afzalliklari quyidagilardan iborat:

• Hujjatni asl formatini saqlagan holda tarjima qiladi;
• MS Word, MS Excel, MS Power Point dasturlari oynasidan tarjima qilish mumkin;
• Muhim ma’lumotlarga tez murojaat qilish mumkin;
• Saytlarni ingliz tilidan rus tiliga tarjima qilish mumkin;
• Chet tilida muloqot qilish;
• MS Outlook va ICQ xabarlarini tez tarjima qilish mumkin;
• Lug‘atlar sonini kо‘paytirish mumkin;
• Shaxsiy lug‘atlar tashkil etish mumkin;
• Multitran lug‘atlar bazasidan "онлайн" tarzda foydalanish mumkin;
• Tarjima sifatini oshirishga bag‘ishlangan 11000000dan ortiq maqolalardan foydalanish va ulardan kerakli sо‘zlar tarjimasini foydalanuvchi lug‘atiga qо‘shish kabi afzalliklarga ega.