Maqsad va vazifalari. Kurs ishining maqsadi O`zbekiston yer fondini keng qamrovli kompleks o`rganis hdan iborat. Kurs ishining vazifasi esa O`zbekiston yer fondinidan unumli foydalaninsh to`g`risida takliflar tayyorlashdan iborat

Kirish
Mavzuning dolzarbligi. O`zbekiston maydoni kattaligi bo`yicha dunyodagi mamlakatlar bo`yicha oldingi o`rinlardan birini egallaydi. Mamlakatimiz hududida baland tog`lar ham bepayon juda kata qumli sahrolar ham va shu bilan birgalikda insoniyat ming yillar davomida foydalanib kelayotgan yerlar ham bor. Aholining ko`payishi shunga mutanosib ravishda tabiiy resurslarga bo`lgan talabning ortishi hisobiga yerdan maksimal darajada foydalanishni talab etadi. Hozirgi vaqtda qoshloq xo`jaligi yerlaridan no`to`g`ri va haddan ziyod foydalanish hisobiga butun dunyo bo`ylab millionlab gektar unumdor yerlar yo cho`lga yoki botqoqga aylanib foyadalanish uchun yaroqsiz holga kelib ishdan chiqmoqda. Shunday ekan mamlakatimiz sarhadlarini har bir qarich yerini yaxshilab o`rganmog`imiz va unumli foydalanishimiz kerak .
Maqsad va vazifalari. Kurs ishining maqsadi O`zbekiston yer fondini keng qamrovli kompleks o`rganis hdan iborat. Kurs ishining vazifasi esa O`zbekiston yer fondinidan unumli foydalaninsh to`g`risida takliflar tayyorlashdan iborat.
Tadqiqot obyekti va predmeti. Kurs ishining tadqiqot obyekti O`zbekiston umumiy yer fondi hisoblanadi. Kurs ishimni tadqiqot predmeti esa O`zbekiston umumiy yer fondining maydoni, foydalaniladigan yerlar tarkibi ma`lum bir davrda yer fondini tarkibini ulushini o`zgarishi va uni taxlil qilish va xalq xo`jaligida foydalanishda amaliy jihatlarini o`rganish va foydalanishdagi ma`lum bir xato va kamchiliklarini yechim topishdir.
Yagona davlat yer fondi va uning tarkibi.

Mamlakatimizda yerlar foydalanish maqsadlari, aholining talab va ehtiyojlarini qondirishni e'tiborga olib, xalq xo`jaligining barcha tarmoqlarini jonlashtirish va rivojlantirishni ko`zlab, ishlab chiqarishni tashkil etishni hisobga olib toifalarga bo`linadi. Yerlarni toifalarga bo`lishda birinchi navbatda ulardan qaysi maqsad uchun foydalanish mumkin yoki mumkin emasligi e'tiborga olinadi. Masalan, suv fondi yoki o`rmon fondi yerlaridan paxta ekish, yoxud boshqa qishloq xo`jalik ekinlari yetishtirish uchun foylanib bo`lmaydi. Bundan tashqari, yerlarni toifaga bo`lishda ularning tabiiy xususiyatlariga ham ahamiyat beriladi. Chunonchi, qishloq xo`jaligi mahsulotlari yetishtirish maqsadida foydalaniladi.

O`zbekiston Respublikasining Yer Kodeksiga ko`ra (8-modda) mamlakatimizda yer fondi yerlardan foydalanishning belgilangan asosiy maqsadiga binoan quyidagi toifalarga bo`linadi:
1) qishloq xo`jaligiga mo`ljallangan yerlar;
2) aholi punktlarining (shaharlar, posyolkalar va qishloq aholi punktlarining) yerlari;
3) sanoat, transport, aloqa, mudofaa va boshqa maqsadlarga mo`ljallangan yerlar; 4) tabiatni muhofaza qilish, sog`lomlashtirish, rekreatsiya maqsadlariga mo`ljallangan yerlar;
5) tarixiy-madaniy ahamiyatga molik yerlar;
6) o`rmon fondi yerlari;
7) suv fondi yerlari;
8) Davlat zahirasidagi yerlar.

Sanab ko`rsatilgan yer toifalari yagona davlat yer fondini tashkil etib, ular bir toifadagi ikkinchisiga o`tib turishi mumkin, ya'ni ular belgilangan toifada qotib qolmaydilar. Masalan, qishloq xo`jaligiga mo`ljallangan yerlarning ba'zi qismlari aholi punktlari yerlari toifasiga kiritilishi, yoki zahira yerlari fondidan sanoat, transport, aloqa yerlari toifasi hosil qilish mumkin. Yerlarni birtoifadan boshqasiga o`tkazish, - O`zbekiston Respublikasi Yer Kodeksining 9-moddasiga ko`ra, - yerlardan asosiy foydalanish maqsadi o`zgargan taqdirda amalga oshiriladi. Yerlarni yer fondi toifalariga bo`lish va bir toifadan boshqasiga o`tkazish yerni egalik qilishga va foydalanishga berish huquqiga ega bo`lgan organlar tomonidan amalga oshiriladi.

Har bir toifadagi yer fondlari foydalanish maqsadi va tartibiga ko`ra o`ziga xos xususiyatlarga ega bo`ladi. Mamlakatimiz yer fondi tarkibida qishloq xo`jaligiga mo`ljallangan yerlar mustaqil toifani tashkil etib muhim o`rinni egallaydi. Qishloq xo`jaligi ishlab chiqarishida ular alohida ahamiyatga ega bo`lib, asosiy vosita sifatida harakat qiladi. Qonunga ko`ra, qishloq xo`jaligi ehtiyojlari uchun berib qo`yilgan yoki ana shu maqsadlar uchun belgilangan yerlar qishloq xo`jaligiga mo`ljallangan yerlar hisoblanadi (Yer Kodeksi, 43-moddasi).

Qishloq xo`jaligia mo`ljallangan yerlar qishloq xo`jaligi yuritish uchun zarur bo`lgan qishloq xo`jaligi yerlari va daraxtzorlar, ichki xo`jalik yo`llari, kommunikatsiyalar, o`rmonlar, yoriq suv havzalari, binolar, imoratlar va inshootlar egallagan yerlarga ajraladi. Haydaladigan yerlar, nichanzorlar, yaylovlar, tashlandiq yerlar, ko`p yillik dov-daraxtlar (bog`lar, tokzorlar, tutzorlar, mevali daraxt ko`chatzorlari, mevazorlar) egallagan yerlar qishloq xo`jaligi yerlari jumlasiga kiradi.

Qishloq xo`jaligiga mo`ljallangan yerlar qishloq xo`jalik kooperativlariga, boshqa qishloq xo`jalik korxona, muassasa va tashkilotlariga, tajriba-ishlab ishlab chiqarish, o`quv, o`quv-tajriba va o`quv-ishlab chiqarish xo`jaliklari, ilmiy-tadqiqot muassasalariga, O`zbekiston Respublikasi fuqarolariga, qishloq xo`jaligi bilan shug`ullanmaydigan korxonalar, muassasalar va tashkilotlarga qishloq xo`jalik maqsadlarida beriladi.

Yer fondi tarkibidagi ikkinchi toifa yerlarni aholi punktlarining yerlari tashkil etadi. Bu yerlar o`z navbatida shaharlar, posyolkalar va qishloq aholi punktlarining yerlariga bo`linadi.

Shahar yerlarining tarkibi foydalanish maqsadlariga qarab bir necha turlarga bo`linadi. Bulardan birinchisi, shahar qurilishi yerlaridir. Bu yerlarga uy-joy, kommunal-maishiy, madaniy-ma'rifiy, sanoat, savdo, ma'muriy va boshqa binolar hamda inshootlar qurilgan va ularni qurish maqsadida berilgan hamma yerlar kiradi. Shahar qurilishi yerlari korxonalar, muassasalar va tashkilotlarga uy-joy, madaniy-maishiy, sanoat obyektlari qurish va kapital qurilishning boshqa turlari uchun foydalanishga, fuqarolarga esa yakka tartibda uy-joy qurish va uy-joy obodonlashtirish uchun meros qilib qoldiriladigan umrbod egalik qilishga beriladi.

Shaharlar yer tarkibining ikkinchi turi umumiy foydalanishdagi yerlardir. Bu turdagi yerlarga maydonlar, ko`chalar, tor ko`chalar, yo`llar, sohil bo`ylari, aholining madaniy-maishiy ehtiyojlarini qondirish va dam olish uchun foydalaniladigan bog`lar, hiyobonlar, bog`chalar joylashgan yerlar kiradi.

Uchinchi turdagi shahar yerlariga qishloq xo`jaligida foydalaniladigan yerlar kiradi. Bunday yerlar toifasiga qishloq xo`jaligida foydalaniladigan va boshqa yerlarga qishloq xo`jaligi korxonalari egaligidagi haydaladigan yerlar, bog`lar, uzumzorlar, tokzorlar, mevazorlar, polizlar, pitomniklar, yaylovlar, pichanzorlar, sug`orish, zax qochirish va yo`l tarmog`i, imoratlar, hovlilar, maydonlar egallab turgan yerlar kiradi.

Daraxtzorlar egallab turgan yerlar ham shahar yerlarining alohida bir turini tashkil etadi. Shaharlardagi daraxtzorlar egallagan yerlar aholining dam olishini tashkil etishga, shahardagi mikroiqlimni, atmosfera havosining holatini va sanitariya-gigiyena sharoitlarini yaxshilashga, aholining madaniy-estetik ehtiyojlarini qondirishga, shahar hududini suv va shamol eroziyasidan muhofaza qilishga mo`ljallangan bo`ladi.

Shahar yerlarining navbatdagi turini sanoat, transport, aloqa, mudofaa maqsadlariga mo`ljallangan yerlar tashkil etadi. Bunday yerlarga korxona, muassasa, tashkilotlar zimmasiga yuklatilgan maxsus vazifalarni amalga oshirish uchun berib 'o`yilgan yerlar kiradi. Bu yerlar aeroportlar, tramvay yo`llari, poyezdlar qatnaydigan yo`llar, quvurlar qurish va shunga o`xshash maqsadlar uchun foydalaniladi.

Shahar yerlari tarkibidagi alohida muhofaza etiladigan hududlarning yerlariga tarixiy, madaniy xarakterdagi obyektlar, tabiat yodgorliklari joylashgan yer maydonlari kiradi. Ular aholining madaniy, ma'naviy ehtiyojlari maqsadlarida foydalaniladi.

Qishloq aholi punktlari yerlariga yer tuzish tartibida belgilab qo`yilgan chegaralar doirasidagi hamma yerlar kiradi. Bunday yerlar jumlasiga, birinchidan, qishloq aholi punktlarining qishloqlar va ovullar hududidagi yerlari; ikkinchidan, qishloq xo`jaligi hamda o`rmon xo`jaligi korxonalari hududidagi yerlar kiradi.

Qishloq aholi punkti yerlari deganda ichki xo`jalik yer tuzilishi rejalariga muvofiq ravishda tasdiqlangan va belgilangan chegara doiralarida joylashgan, aholining turar-joy, boshqa madaniy-maishiy ehtiyojlariga kerakli binolar, shuningdek dehqon xo`jaligi uchun beriladigan yer uchastkalari tushuniladi.

Qishloq aholi punkti yerlari asosan qishloq xo`jalik korxonalari egallab turgan yerlarda joylashgan bo`lib, ular jamoat yerlaridan natura tarzida ajratib qo`yiladi. Lekin, bu ikkala yer fondi o`rtasida o`tib bo`lmaydigan chegara bo`lmaydi. Aholining o`sib borayotgan ehtiyojlarini e'tiborga olib aholi punkti yerlarini tegishli idoralar qaroriga muvofiq kengaytirish mumkin.

Qishloq aholi punkti yerlari o`z tarkibiga ko`ra bir xil emas. Ular qishloq xo`jaligiga mo`ljallangan va qishloq xo`jaligiga mo`ljallanmagan yerlarga bo`linadi. Bundan tashqari, bu yerlarni kimning egaligidaligiga qarab ham tasniflash mumkin. Bular o`z-o`zini boshqarish organlari ixtiyoridagi yerlar va qishloq xo`jalik korxonalari ixtiyoridagi yerlardir. O`z-o`zini boshqarish organlari ixtiyoridagi qishloq aholi punkti yerlaridan maydonlar, ko`chalar, sohil bo`ylari, bog`lar, madaniyat va istirohat bog`lari, hiyobonlar, daraxtzorlar barpo qilish, shuningdek madaniy-maishiy, uy-joy ehtiyojlari uchun foydalaniladi.

Qishloq aholi punkti doirasida qishloq xo`jalik korxonalari o`zlariga berilgan yer uchastkalaridan uy-joy binolari, madaniy-maishiy binolar, ishlab chiqarish binolari qurish uchun hamda dehqon xo`jaligi yuritish uchun foydalanadilar.

Yer fondi tarkibidagi navbatdagi toifani sanoat, transport, aloqa, mudofaa maqsadlariga mo`ljallangan yerlar tashkil qiladi. Sanoat maqsadlariga mo`ljallangan yerlar deganda sanoat korxonalariga, shu jumladan, kon sanoati, energetika korxonalariga ishlab chiqarish va yordamchi binolar hamda inshootlar qurish uchun doimiy foydalanishga berilgan yerlar tushuniladi.

Tarnsport maqsadlariga mo`ljallangan yerlar deb Temir yo`l, Ichki suv transporti, avtomobil, havo va truboprovod transporti korxonalari, muassasalari va tashkilotlariga transport inshootlari, qurilmalari va boshqa obyektlaridan foydalanish, saqlash, qurish, rekonstruksiya qilish, ta'mirlash, takomillashtirish va rivojlantirish sohasida ular zimmasiga yuklatilgan vazifalarni amalga oshirish uchun doimiy foydalanishga berilgan yerlarga aytiladi.

Aloqa maqsadlariga mo`ljallangan yerlar jumlasiga aloqa liniyalarini hamda ularga tegishli inshootlarni joylashtirish uchun aloqa, radioeshittirish, televideniye va axborot korxonalari, muassasalari va tashkilotlariga doimiy foydalanishga berilgan yerlar kiradi.

Qurolli kuchlar, chegara, ichki ishlar va temir yo`l qo`shinlarining harbiy qismlari, harbiy o`quv yurtlari, korxonalar, muassasalar va tashkilotlarning joylashuvi hamda doimiy faoliyati uchun berilgan yerlar mudofaa ehtiyojlari uchun mo`ljallangan yerlar deb e'tirof etiladi.

Sanoat, transport, aloqa, mudofaa maqsadlariga mo`ljallangan yerlar ushbu tashkilotlarning o`z oldiga qo`ygan vazifalarini amalga oshirishga xizmat qiladi.

Alohida muhofaza etiladigan hududlarning yerlari respublikamiz yer fondi tarkibida alohida, mustaqil toifani tashkil qiladi. Bu toifa yerlarning turlari, ulardan foydalanish tartibi O`zbekiston Respublikasi Yer Kodeksining 71-75-moddalari bilan tartibga solinadi.

Yer Kodeksining 71-moddasida ko`rsatilishicha, alohida muhofaza etiladigan hududlarning yerlari jumlasiga, birinchidan, tabiatni muhofaza qilish maqsadlariga mo`ljallangan yerlar; ikkinchidan, sog`lomlashtirish maqsadlariga mo`ljallangan yerlar; uchinchidan, rekreatsiya maqsadlariga mo`ljallangan yerlar; to`rtinchidan, tarixiy-madaniy ahamiyatga molik yerlar kiradi.

Tabiatni muhofaza qilish maqsadlariga mo`ljallangan yerlar deganda davlat qo`riqxonalari, milliy va dendrologiya bog`lari, botanika bog`lari, zakazniklar, tabiat yodgorliklarining belgilangan tartibda korxonalar, muassasalar va tashkilotlarga maxsus maqsadlar uchun berilgan yerlar tushuniladi. Bu toifa yerlarda belgilangan maqsadga zid faoliyat taqiqlanib, ularga zararli ta'sir etadigan faoliyat ta'qiqlab qo`yiladi.

Sog`lomlashtirish maqsadlariga mo`ljallangan yerlar deb tabiiy shifobaxsh omillarga ega bo`lgan, kasalliklarning oldini olish va davolashni tashkil etish uchun qulay, belgilangan tartibda tegishli muassasalar va tashkilotlarga doimiy foydalanishga berilgan yer uchastkalariga aytiladi. Sog`lomlashtirish maqsadlariga mo`ljallangan yerlar aholining davolanishi va dam olishini ta'minlash uchun foydalaniladi.

Alohida muhofaza etiladigan hududlarning yerlari tarkibida rekreatsiya maqsadlariga mo`ljallangan yerlar muhim o`rinni egallaydi. Rekreatsiya maqsadlariga mo`ljallangan yerlar deganda aholining ommaviy dam olishi va turizmni tashkil etish uchun tegishli muassasalar va tashkilotlarga berilgan yerlar tushuniladi. Rekreatsiya maqsadlariga mo`ljallangan yerlar daryo, ko`l, dengizlar bo`yida aholining ommaviy dam olishi uchun mo`ljallangan, shuningdek obidalar joylashgan hududlarda turizm uchun mo`ljallangan obodonlashtirish va turizm tashkilotlariga berib qo`yilgan yerlar hisoblanadi. Bu yerlardan odamlarni dam olishi, madaniy ehtiyojlarini qondirish maqsadlarida foydalaniladi.

Yer fondi tarkibida tarixiy-madaniy ahamiyatga molik yerlar mustaqil toifadagi yerlar sifatida o`rin olishligi belgilangan. O`zbekiston Respublikasi Yer Kodeksining 75-moddaga ko`ra, tarixiy-madaniy ahamiyatga molik yerlar deganda tarixiy-madaniy qo`riqxonalar, memorial bog`lar, mozorlar, arxeologiya, tarix va madaniyat yodgorliklarining tegishli muassasalar va tashkilotlarga doimiy foydalanishga berilgan yerlar tushuniladi. Tarixiy-madaniy ahamiyatga molik yerlarning arxitektura ahamiyatiga egalari xalqaro tashkilotlar hisobida turib, ular davlat tomonidan muhofaza qilinadi. Tarixiy-madaniy yerlarda tarixiy obidalar, arxitektura yodgorliklari, inshootlar, qabristonlar yoki yakka tartibdagi mozorlar joylashgan bo`ladi. Bu toifadagi yerlardan aholining ma'naviy ehtiyojlarini qondirish maqsadlarida foydalaniladi.

Mamlakatimiz yer fondi tarkibidagi muhim toifalardan biri o`rmon fondi yerlaridir. Ushbu toifa yerlari O`zbekiston yer fondi tarkibida mustaqil fondni tashkil etadi. O`zbekiston Respublikasi Yer Kodeksining 76-moddasida ko`rsatilishicha, o`rmon xo`jaligi ehtiyojlari uchun berilgan yerlar o`rmon fondi yerlari deb e'tirof etiladi. O`zbekiston Respublikasi Yer Kodeksining 87-modda 6-bandiga ko`ra, o`rmon fondi yerlari ikki qismga: 1) o`rmon bilan qoplangan va 2) o`rmon bilan qoplanmagan bo`lsa ham o`rmon xo`jaligi ehtiyoji uchun berib qo`yilgan yerlarga bo`linadi.

O`rmon fondi yerlaridan foydalanishning asosiy vazifasi yog`och yetishtirishdan iborat. Bu yerda yer bosh ishlab chiqarish vositasi sifatida bo`ladi. Shuning uchun o`rmon fondi yerlarining katta qismini o`rmonlar bilan qoplangan yerlar tashkil etadi.

Shu bilan bir qatorda o`rmon fondi yerlariga o`rmon bilan qoplanmagan, lekin o`rmon xo`jaligiga mo`ljallangan yerlar ham kiradi. Bularga bo`sh joylar, nihollar vayron bo`lgan joylar, yongan uchastkalar va boshqalarni aytish mumkin.

Bundan tashqari, o`rmon fondi yerlariga o`rmon bilan qoplanmagan va daraxt o`stirishga ham mo`ljallanmagan, lekin, o`rmon xo`jaligi uchun zarur bo`lgan yerlar ham kiradi. Bularga o`rmondagi yo`llar, ariq-zovurlar, botqoqliklar, qumliklar kiradi.

Yer Kodeksida keltirilgan "o`rmon bilan qoplangan" va "o`rmon bilan qoplanmagan yerlar" tushunchasidan farqli o`laroq O`zbekiston Respublikasi O`rmon to`g`risidagi qonunida o`rmon fondi yerlari sostavida "o`rmon maydonlari" va "o`rmon bmlan qoplanmagan maydonlar" borligini ko`rsatadi. Bu tushunchalar bir-biriga mos kelmaydi. Negaki, o`rmon to`g`risidagi qonunchilik o`rmon bilan qoplangan maydonlarga na faqat daraxt bilan qoplangan maydonlar, balki u bilan qoplanmagan bo`sh joylar, ariq-zovurlar, qumliklarni ham kiritadi. O`rmon bilan qoplanmagan maydonlarga esa qishloq xo`jalik uchun mo`ljallangan ugodyalar, yo`llar va boshqalarni kiritadi.

O`zining geografik holati, suv tanqisligi, havoning quruqligi, kuchli shamollar bo`lganligi uchun O`zbekiston hududining faqat 5 foizi o`rmonlar bilan qoplangan. Respublika tog`laridan archazor o`rmonlar anchagina maydonlarni (191 ming ga) tashkil etadi. O`rmon taqchilligi uchun ular uzoq vaqt davomida yog`och tayyorlash, ko`mir sifatida, mol boqadigan maydonlar sifatida foydalanildi. Har yili kesishlar, mol boqishlar, pioner lagerlari qurish, turistik bazalar joylashtirish - bu qimmatbaho o`rmonlarni kesilgan, kunda maydonlarga aylantirib qo`ydi, natijada ular o`zining muhim ekologik vazifasini yo`qotdilar. Bularning hammasi o`rmonlarga o`ta muhim munosabatda bo`lishlikni talab etadi.

O`zbekiston Respublikasi Yer Kodeksining 76-moddasida O`rmon fondi yerlarini boshqa yer fondi hisobiga kengaytirish mumkinligi belgilangan. Bunda qanday maqsadlar uchun o`rmon fondi yerlari sostaviga yer uchastkalari berish mumkinligi ko`rsatilgan. Bu o`rmonzorlar barpo etish, jarliklarning kengayishini to`xtatish, shaharlar va sanoat markazlari tevaragida ixota o`rmonzorlar va ko`kalamzorlar maydonlar yaratish, shuningdek kam o`rmonli va o`rmonsiz rayonlarni atrofini o`rmonlashtirish, daryo va suv havzalarini qirg`oqlarini daraxtlashtirish, tuproq eroziyasini bartaraf etish, tuproq unumdorligini saqlash va boshqalarga qaratiladi.

Qoidaga ko`ra, o`rmon fondi yerlari sostaviga birinchi navbatda kamhosilli, tashlandiq yerlar, foydalanilmayotgan yerlar, zaxira yerlar, butazor yerlardan beriladi. O`rmon fondi yerlari sostaviga yer berish tartibiga kelganda bu faqat belgilangan tartibda beriladi. Shunday qilib, bunda faqat yerdan foydalanishning asosiy belgilangan maqsadi o`zgaradi, ya'ni bir toifadagi yer uchastkalari ikkinchisiga aylantiriladi.

O`rmon fondi yerlari qishloq xo`jaligi maqsadlarida ham foydalanishligi mumkin. O`rmon fondi yerlarida o`rmon xo`jaligi uchun ishlatilmayotgan, lekin qishloq xo`jaligi uchun muhim ahamiyat kasb etadigan yerlar bo`ladi. Bular, masalan, pichanzorlar va o`tloqlardir.

Tuman xokimliklari o`rmon xo`jaligi organlari bilan kelishib, bu yer uchastkalarini vaqtinchalik foydalanish uchun yoki ijaraga qishloq xo`jalik korxonalariga berishga haqlidirlar. Bunda qishloq xo`jaligi maqsadlariga ishlatilayotgna o`rmon fondi yerlari o`rmon xo`jaligiga zarar yetkazmasligi kerak. Qishloq xo`jalik korxonalarining faoliyati shunday yo`llar bilan amalga oshirilishi lozimki, ular o`rmonlar yong`in xavfsizligi va sanitariya holatlariga rioya qilishlari shart.

O`rmon fondi yerlaridan foydalanish tartibi O`zbekiston Respublikasining maxsus qonunlari bilan tartibga solinadi. O`rmon fondi yerlaridan foydalanish huquqi o`rmonlardan foydalanish huquqi bilan chambarchas bog`liqdir, shuning uchun bu yerlardan foydalanish tartibi ma'lum darajada o`rmon yerlari kimga va qanday maqsadlar uchun berib qo`yilganligiga bog`liq.

Harakatdagi o`rmon qonunchiligida yer uchastkalarini berish va foydalanish tartibi quyidagicha belgilangan: o`rmonchilik uchun foydalanish, o`rmonlarda turistik lagerlar, dam olish bazalari va boshqa shunga o`xshash obyektlar joylashtirish (49-modda), ilmiy maqsadlarda foydalanish (50-modda), ovchilik maqsadida foydalanish (52-modda), yem-xashak yig`ish, mol boqish (69-modda) va boshqalar.

Suv fondi yerlari ham yer fondi tarkibidagi mustaqil toifa yerlardan biridir. O`zbekiston Respublikasining Yer Kodeksining 77-moddasiga ko`ra, suv havzalari (daryolar, qo`llar, suv ombarlari), gidrotexnika va boshqa suv xo`jaligi inshootlari egallab turgan, shuningdek suv havzalarining va boshqa suv obyektlarining qirg`oqlari bo`ylab ajratilgan mintaqadagi suv xo`jaligi ehtiyojlari uchun korxonalar, muassasalar va tashkilotlarga berilgan yerlar suv fondi yerlari jumlasiga kiradi.

Suv fondi yerlarining asosiy qismini suv bilan qoplangan yerlar tashkil etadi. Suv bilan qoplangan yerlar deganda yil davomida doimo yoki yilning ko`p qismid suv tagida bo`lgan yerlar tushuniladi. Qisqa vaqt davomida - sug`orishda, yomg`ir vaqtida, daryo toshgan vaqtda suv bilan qoplangan yerlarni biz bu toifaga kiritmaymiz. Suv bilan qoplanmagan yerlarga yana vaqtinchalik sug`orish kanallari, sho`ri yuviladigan maydonlar, basseyinlarni ham kiritish mumkin.

Asosiy suv fondi yerlarining boshqa qismi bo`lib, suv havzalarining qirg`oqlari bo`ylab ajratib qo`yilgan mintaqadagi yerlar hisoblanadi. Bunga quyidagilar kiradi: 20 metr kenglikdagi qirg`oq mintaqalari, kemalar uchun ajratilgan mintaqalar, hamda muhofaza qilish uchn ajratilgan zonalar.

Suv fondi yerlariga yuqoridagilardan tashqari, suv obyektlariga tutashgan yerlardagi gidrotexnika va boshqa suv xo`jaligi qurilmalari tegishli bo`ladi.

Davlat suv fondi yerlarining asosiy xo`jalik vazifasi suvdan foydalanish va uni muhofaza qilish faoliyatiga xizmat qilishdir. Shuning uchun bu yerlarning huquqiy holati suv obyektlarining huquqiy holati xususiyatlarini aks ettiradi.

Hamma suvdan foydalanuvchilarga suv havzalari qirg`oqlarini, boshqa suv obyektlari yer maydonlari ustki qismini yaxshi saqlash majburiyati yuklatilgan.

Ko`pchilik daryolar, magistral kanallar va kollektorlar, suv omborlari va boshqa suv havzalarining, shuningdek ichimlik va ro`zg`or suv ta'minoti, aholining davolash hamda madaniy sog`lomlashtirish ehtiyojlariga xizmat qiladigan manbalar maxsus himoya qilinadi. Shu maqsadda qonun shunday suv havzalari atrofida himoya zonalari tashkil qilishni belgilaydi. Xususan, sanitariya zonalari o`rnatiladi. Sanitariya zonalari 3ta mintaqaga bo`linib, ularning har biriga yerdan foydalanishning alohida holatlari (rejimi) o`rnatiladi. Masalan, birinchi mintaqada yashash, qandaydir qurilish inshootlari qurish man etiladi.

Suv ta'minoti manbalarini muhofaza qilish zonalari va ularni mintaqalarga bo`lishni belgilash tuman hokimliklarining qarorlariga binoan amalga oshiriladi.

Suv havzalari qirg`oq mintaqalarida yer haydash, mol boqish, yadoximikatlar qo`llash, ishlab chiqarishga xizmat qiladigan qurilishlar qurish, dam olish bazalari qurish man qilinadi.
Suv fondi yerlaridan foydalanish tartibi O`zbekiston Respublikasining maxsus qonunlari bilan belgilanadi.
Ichki suvlar qirg`oq mintaqalarida qurilmalar va inshootlar qurish faqat tegishli mahalliy hokimiyat organlarining roziligi bilan amalga oshirilishi mumkin. Bu qurilma va inshootlar suv xo`jaligi maqsadlariga xizmat qilishi lozim.
Zaxira yerlar - O`zbekiston yer fondi tarkibidagi so`ngi mustaqil toifani tashkil etib, doimiy egallash va foydalanishga berilmagan yer maydonlaridir. O`zbekiston Respublikasi Yer Kodeksining 78-moddasida ko`rsatilishicha, yuridik va jismoniy shaxslar egaligiga hamda foydalanishiga, ijaraga berilmagan, mulk etib realizatsiya qilinmagan barcha yerlar zaxira yerlardir. Bunday yerlar jumlasiga egalik qilish va foydalanish huquqi, ijaraga olish huquqi, mulk huquqi bekor qilingan yerlar ham kiradi. Respublika yer fondi maydonlari o`zgarishsiz emas. Davlatning yerga bo`lgan egalik huquqini amalga oshiruvchi Respublika hokimiyat organlari yer uchastkalarini korxonalar, muassasalar, tashkilotlar o`rtasida taqsimlaydilar. Bir qism yerlar esa bo`linmasdan qoladi. Bular, asosan, o`zlashtirilmagan yerlardir, bular keyinchalik xo`jalik oborotiga kiritiladigan rezerv yoki ekologik tenglikni ta'minlab turadigan yerlardir. Shunday qilib, zaxira yerlarni ikki gruppaga bo`lish mumkin - yerdan foydalanishda rezerv rolini o`ynaydigan, baza bo`lib xizmat qiladigan, va, foydalanishga umuman noloyiq bo`lgan yerlar.

Bu toifadagi yerlarning manbalaridan biri bo`lib, oborotda bo`lgan yerlar hisoblanadi. Ular qonunda ko`rsatilgan asoslarga ko`ra zaxira yerlar fondiga o`tadilar, keyinchalik esa boshqa yerdan foydalanuvchilarga berib yuboriladi. Bu qatorga rekultivatsiya qilingandan so`ng qishloq xo`jaligi ishlab chiqarishda ma'lum vaqt ishlatib bo`lmaydigan yerlarni ham kiritish mumkin.

Zaxira yerlar asosiy foydalanish maqsadiga ko`ra har qanday boshqa yer fondi toifasiga o`tib ketishi mumkin. Bunday holatlarda ularga o`sha yer fondining huquqiy holati qo`llaniladi.
Davlat zaxira yerlari qisqa muddatli - 3 yilgacha, va uzoq muddatli - 3 yildan 10 yilgacha muddatga berilishi mumkin.
Qoidaga ko`ra, qisqa muddatga berilgan yer uchastkalari zaxira yerlar sostavida hisoblanadi. Muddatning tugashi bilan esa u boshqa yerdan foydalanuvchilarga berilishi yoki zaxira yerlar tarkibida qolishi mumkin. Boshqa hamma holatlarda - uzoq muddatga foydalanish uchun berilganda - bu yerlar zaxira yerlar fondi toifasidan chiqib ketadilar.
Zaxira yerlar qishloq xo`jaligi ishlab chiqarishni ko`paytirish, sanoat, transport, boshqa noqishloq xo`jalik maqsadlari uchun jamoa bog`dorchiligi va polizchilikni rivojlantirish uchun rezerv bo`lib xizmat qiladi.
Hech kimga foydalanish uchun berilmagan zaxira yerlar biron bir kishi tomonidan o`zboshimchalik bilan egallab olinishi mumkin emas. Ular tuman hokimliklari ixtiyorida bo`ladi. Ular zaxira yerlarni yuqorida sanab o`tilgan maqsadlardan tashqari, yana uy-joy qurish, dachalar qurish, yakka tartibda uy-joy qurish uchun fuqarolarga, xizmat yuzasidan chek yerlar uchun berishlari mumkin. Bunda, albatta, bu yerlarni qishloq xo`jaligi maqsadlarida ishlatib bo`lmaslik e'tiborga olinishi lozim.

Zaxira yerlardan foydalanish ustidan nazoratni tuman (shahar) hokimliklari olib boradilar. Tuman (shahar) hokimliklarining qaroriga ko`ra uzoq muddatga yoki doimiy foydalanishga berilgan zaxira yerlar shu yer fondidan chiqarilib, foydalanish uchun berilgan yer fondi tarkibiga kiritiladi.

Qishloq xo‘jaligida yerdan foydalanishda tuproqning yeni yuqorigi qatlamidan foydalaniladi, ya’ni ma’lum darajada fizik-ximiyaviy xossalarga yega bo‘lgan qatlamlaridan foydalaniladi. Tuproqning unumdorligi qanchalik yaxshi bo‘lsa, hosildorlik shuncha yuqori bo‘ladi. Tuproqnnig unumdor bo‘lishi yesa undagi ozuqa moddalarining miqdoriga sharoitiga qishloq xo‘jaligida ishlab chiqaruvchi kuchlarning rivojlanish darajasiga fan-texnika yutuqlarini ishlab chiqarishga tatbiq yetishga bevosita ta’sir ko‘rsatuvchi kishilar mehnatiga bog‘liq.
Tuproq unumdorligigi quyidagi turlardan iborat.
1. Tabiiy va ozuqaviy ya’ni iqtisodiy
2.Potensial – ya’ni foydalanish mumkin bo‘lgan.
1) Tuproqning tabiiy unumdorligi uning paydo bo‘lishida uzoq davom etadigan jarayonlar natijasida vujudga keladi. U tuproqning fizik, ximik va biologik xossalarida iqlim sharoitlari bilan belgilanadi. Tabiiy unumdorlik ob’ektiv xususiyatdir. U aksariyat
ya’ni potensial unumdorlik holatida bo‘lib, qishloq xo‘jaligida ishlab chiqarishda yerdan foydalangan vaqtdagina samarali natija beradi.
Yerning o‘ziga xos xususiyatlari quyidagilarda ifodalanadi:
a)Yerni ishlab chiqarish vositasi sifatida ishlab chiqarish vositasi bilan almashtirib bo‘lmaydi.
b) yerdan to‘g‘ri foydalanisa, u hech qachon eskirmaydi, aksincha, yerga qancha yaxshi ishlov berilsa, yer yaxshilanib boradi, hajmi ko‘payib boradi.
v) yer insoniyatni barcha avlodalari uchun abadiy ishlab chiqarish vositasidir.
g) yer-tabiat mahsuli
d) yerni bir joydan ikkinchi joyga ko‘chirib bo‘lmaydi.
e) yer tabiatda chegaralangan. Uni insoniyat xoxlaganda ko‘paytirish imkoniga yega yemas. Demak, yagona to‘g‘ri yo‘l – mavjud yer resurslaridan samarali foydalanishdir.
Lekin, sanoatning o‘sishi, kommunikasiyaning o‘sishi aholining ko‘payishini tabiiy holda birikishiga to‘g‘ri keladigan yer maydonining qisqarishiga olib keladi. Ayrim hollarda yesa insoniyat yerdan to‘g‘ri foydalanmasligi oqibatida yerning ketishiga ham olib keladi.
Taraqqiyotning tuproq yeroziyasi sho‘r bosish kabi salbiy oqibatlarni kamaytirish uchun har bir davlatning va yerdan foydalanuvchilarinng muhim vazifasidir.
Ta’kidlab o‘tilganldarning barchasi mavjud yerlardan qaysi turlarini joylashtirish turlaridan foydalanish va ishlab chiqarishning hajmini qanday bo‘lsin maqsadga muvofiqligi inkor yetib bo‘lmaydigan talablarni keltirib chiqarar.
Yerning jamiyatdagi ahamiyati nihoyatda beqiyosidir, unda aholi yashash uchun binolar, uy-joylar quriladi. Xalq xo‘jaligi uchun inshootlar, korxona, muassasa, o‘quv binolari, ilmiy-ishlab chiqarish tashkilotlari lar quriladi.
2. Qishloq xo’jaligida yer-suv fondlaridan foydalanish darajasi va samaradorligini ifodalovchi kursatkichlar
O‘zbekistonda barcha yerlar davlat yer fondini tashkil yetadi, yer davlat mulki umumxalq boyligi hisoblanadi.
Yer fondi deyilganda O‘zbekistonning viloyat, tuman, dehqon fermer jamoa xo‘jaligi, davlat xo‘jaligini yer maydoni, ya’ni quruqlikdagi yer maydonlari bilan suv ostidagi yer maydonlari tushuniladi.
Yer klassifikasiyasi quyidagicha belgilanish, O‘zbekistondagi barcha yerlar davlat yeri bo‘lib, uning tarkibiga quyidagi yer kategoriyalari kiradi.
1. Qishloq xo‘jalik yerlari
2. Maxsus maqsadlar uchun belgilangan yerlar
3. Shahar yerlari
4. Davlat o‘ralgan yer fondlari
5. Davlat zahira yer fondlari
6. Davlat suv fondida band bo‘lgan yerlar.
Bularni alohida tavsiflab otish kerak.
1. Qishloq xo‘jaligi yerlari, bular asosan jamoa, davlat, fermer, shirkat (kooperativ) dehqon xo‘jaligi, yordamchi xo‘jaliklar, o‘quv tajriba xo‘jaliklarning qishloq xo‘jalik mahsulotlari yetishtirish maqsadida foydaladigan yerlardan iborat.
2. Maxsus maqsadlar uchun belgilangan yerlar bular, sanoat, transport, kurortlar, zapovedniklar, ya’ni qO‘riqxonalar, zavod va fabrikalar, davlat muassasalari joylashgan yerlar, tog‘ konlari va boshqa maqsadlarga davlat ob’ektlari uchun band bo‘lgan yerlardan tashkil topgan yerlar.
3. Shahar yerlari, bular shahar tipidagi posyolkalar qurish maqsadida band bo‘lgan yer massivlaridan tashkil topgan bo‘lib, yangi uy-joy, shaharlar qurilishining yo‘nalishi bilan bunday yerlar territoriyasi yildan-yilga kengayib bormoqda.
4. Davlat o‘rmon yer fondlari. Bunday yerlarga O‘zbekistondagi O‘rmonlar va O‘rmonchilikni rivojlantirish maqsadida ajratilgan yerlar kiradi.
5. Davlat zahira (zapas) yerlari. Bunday yerlar jamoa va davlat xo‘jaliklariga, dehqon,fermer, kooperativ (shirkat) qishloq xo‘jaligi va shunga O‘xshashlarga uzoq muddatli foydalanish uchun ajratib beriladigan va yangidan davlat xo‘jaliklarini tashkil yetish va kO‘chib kelganlarni joylashtirish uchun ajratiladigan, shuningdek tog‘ konlari joylaridan iborat.
6. Davlat suv fondida band bo‘lgan yerlar, bularga suv havzalari, kanallar, daryolar,dengizlar, gidrotexnika va boshqa suv xo‘jaligi inshootlari uchun band bo‘lgan va ularning atrofidagi yerlar kiradi.
Qishloq xo‘jaligining rivojlanish jarayonida bir xil yerlar boshqa birxil yerlarga aylantirilishi mumkin, bunga yerlarning transformatsiyasi deyiladi, ya’ni, quruq yerlarni haydab ekin yerlariga aylantirish yoki chakalakzorlarni kovlab ekin yerlarga aylantir ish va shunga o‘xshash yerlar transformatsiyasi deyiladi.
Qishloq xo‘jalik ehtiyojlariga ishlatiladigan yerlar qishloq xo‘jalik yerlari deyiladi,bularga yekiladigan yerlar, pichanzorlar, yaylovlar, ko‘p yillik daraxtzorlar, ishga solinadigan qo‘riqlar va o‘tloqlar kiradi. Qishloq xo‘jaligida foydalanilmaydigan yerlarga o‘rmonlar va chakalakzorlar bilan band bo‘lib turgan yerlar, kO‘llar, ariiqlar, zovur yoki soylar hamda xalq xo‘jaligining boshqa sohalarida foydalaniladigan yerlar kiradi.Shunday qilib, qishloq xo‘jaligida yer fondi asosiy ishlab chiqarish vositasi ekan,undan samarali foydalanish zarur.
Yer va suv qishloq xo‘jaligining yeng asosiy ishlab chiqarish vositalari ekan,
ulardan qanday foydalanilganini bilish zarur. Buning uchun quyidagi ko‘rsatkichlardan ifodalash mumkin:
a) Umumiy yer fondidan foydalanish koeffisiyenti (foizi). Uning darajasini
aniqlash uchun qishloq xo‘jaligida haqiqatda foydalanilgan yer maydonini foydalanish mumkin bo‘lgan yer maydoniga taqsimlash lozim. Buni quyidagi tenglik yordamida
aniqlash mumkin:
Bunda: YeFK - umumiy yer fondidan foydalanish koeffisiyenti, (foizi);
FYe - qishloq xo‘jaligida foydalanilgan yer maydoni, ga;
FMYe - foydalanilishi mumkin bo‘lgan yer maydoni, ga.
Bu ko‘rsatkich koeffisiyentda yoki foizda aniqlanishi mumkin. Uni aniqlash
natijasida yerdan foydalanishning to‘liqlik darajasi aniqlanadi. Uni haqiqiy darajasi, ya’ni
koeffisiyenti 1 dan yoki 100 foizdan ortiq bo‘lishi mumkin yemas. Bu ko‘rsatkichni
aniqlash natijasida tarmoqda (xo‘jalikda) qancha yerdan foydalanilgan va qanchasidan
foydalanilmaganligi bilinadi. Shundan so‘ng bunday holning sabablari aniqlanib, ularni
bartaraf yetish chora-tadbirlari ishlab chiqiladi.
b) Suvdan foydalanish koeffisiyenti. U haqiqatda sug‘orilgan maydonni shu suv
bilan sug‘orilishi mumkin bo‘lgan maydonga taqsimlash natijasida aniqlanadi. Buning
uchun quyidagi tenglikdan foydalanish mumkin:
Bunda: SFK-suvdan foydalanish koeffisiyenti yoki foizi;
SM-haqiqatda sug‘orilgan maydon, ga;
SMM-sug‘orilishi mumkin bo‘lgan maydoni,ga.
Yer fondlaridan foydalanishni ifodalovchi ko‘rsatkichlar ikki guruhdan iborat
1. gurux – yerdan foydalanishning darajasini ifodalovchi ko‘rsatkichlar
2. gurux – yerdan foydalanish iqtisodiy samaradorligi
1. Guruxga quyidagilar kiradi:
a) yerlarning tarkibi. Jami yer maydonida qishloq xo‘jaligi yerlarining salmog‘i. Bu
ko‘rsatkich mavjud yerlarning qayta qismi qishloq xo‘jaligi ishlab chiqarishiga yaroqli
yekanligini bildiradi.
b) qishloq xo‘jaligi yerlarining tarkibi. Bu ko‘rsatkich qishloq xo‘jaligiga yaroqli
yerlarning tarkibini ko‘rsatadi. Qishloq xo‘jaligi yaroqli yerlarining tarkibiga
haydaladigan yerlar, ayniqsa sug‘oriladigan yerlarning salmog‘i muhimdir. Chunki sug‘oriladigan yerlarning hosildorligi lalmikor yerlarga nisbatan yuqori bo‘ladi.
v) yerdan necha marta foydalanilganligi. Masalan, ayrim xo‘jaliklarda maydonlardan bir yilda ikki marta foydalanadilar, hatto uch marta foydalanganlar ham bo‘ladi.
2 guruh – yerdan foydalanishning iqtisodiy samaradorligi.
Bundagi ko‘rsatkich har bir gektar yerdan olinadigan yalpi mahsulot bilan va har bir gektar yrdan olinadigan foyda bilan aniqlanadi.
Ekinlarning hosildorligi ham yerdan qanchalik samarali foydalanganligini bildiradi.
O‘z-o‘zidan ma’lumki yerdan ajratmagan holda suv resurslardan foydalanish ayniqsa tejamkorlik bilan foydalanish qishloq xo‘jaligida yetishtirilayotgan mahsulotlarning xarajatlarini kamaytirishga va rentabellik yuqori bo‘lishiga olib keluvchi omildir. Shu sababli bir metr kub suv hisobga olingan mahsulot miqdori suvdan foydalanishning samaradorligini bildiradi. bu ko‘rsatkich natura va qiymat holida hisoblanadi.