Maqola haqida

Maktabgacha ta’lim tashkilotlarida bolani ruhiy rivojlanishida ota-ona va tarbiyachilarning hamkorlik ish shakillari.
Qo‘qon universiteti Maktabgacha ta’lim 3 boshqich talabasi
Siddiqova Nazokat Xusanboyevna
Loyiha rahbari Asilova Sanobar Xatamboyevna

MAQOLA HAQIDA	ANNOTATSIYA
Qabul qilindi: -yanvar 2023-yil Tasdiqlandi: -fevral 2023-yil Jurnal soni: Maqola raqami: DOI:	Mazkur maqolada maktabgacha ta’lim tashkilotlarida bolani ruhiy rivojlanishida ota-ona va tarbiyachining ish shakillari haqida fikr va mulohazalar keltirib o‘tilgan. Shuningdek, bolani ruhiy rivojlanishida hamkorlik ish shakillarini samarasi va hamkorlikning mazmun- mohiyati ochib berilgan. Hamkorlik ish shakillari orqali bolada kuzatiladigan ijobiy o‘zgarishlar, yutuqlar yoritilib, ayrim hollarda hamkorlik ish shakillarisiz faoliyat olib borilayotgan maktabgacha ta’lim tashkilotlarida yuzaga kelayotgan xato va kamchiliklar va ularning oqibatlariga batafsil to‘xtalib o‘tilgan.
KALIT SO‘ZLAR
Hamkorlik, rivojlanish, ruhiy rivojlanish, bola, ta'lim-tarbiya, faoliyat, bola rivojlanishi, bola tarbiyasi, oila tarbiyasi, pedagog ish shakillari.

Kirish
Globallashuv va jamiyatni isloh etish sharoitida yangicha fikrlovchi shaxslarni tarbiyalash ta’lim tizimida shu jumladan maktabgacha ta’lim tizimida jiddiy o‘zgarishlar kiritishni talab etadi. Bu borada mamlakatimizda bir qator amaliy ishlar olib borilmoqda. Bu islohatlarning barchasi maktabgacha yoshdagi bola shaxsini rivojlanishiga, rivojlanish bosqichlaridagi inqirozli davrlarda bolaga ko‘mak berish va qo‘llab-quvvatlashdan iborat. O‘zbekiston Respublikasida maktabgacha ta’lim to‘g‘risidagi Nizomiga muvofiq bola maktabgacha ta’limni uyda ota-onalarning mustaqil ta’lim berishi orqali yoki doimiy faoliyat ko‘rsatadigan maktabgacha tarbiya muassasalarida, shuningdek maktabgacha ta’lim muassasalariga jalb qilingan bolalar uchun maktabgacha ta’lim tashkilotlarida, maktablarda, mahallalarda tashkil etilgan maxsus guruhlar yoki markazlarda oladi.¹ Mustaqillikning dastlabki yillaridan boshlab maktabgacha ta’lim tizimi sohasida alohida tizimli yondashuvlar asosida bir qator amaliy ishlar olib borildi. Bola kunning asosiy qismini maktabgacha ta’lim muassasasida o‘tkazsa ham, inson kamoloti uchun eng muhim bo‘lgan omillardan biri tarbiyaning tamal toshi oilada qo‘yiladi. Shu sababli ham maktabgacha pedagogikaning asosiy maqsadi bo‘lgan bolalarni maktab ta’limiga har tomonlama tayyorlashda maktabgacha ta’lim muassasasi bilan oila hamkorligi muhim ahamiyat kasb etadi. Maktabgacha ta’lim muassasalarinining oila bilan ishlash tizimida aniq maqsad, mazmun bo‘lishi kerak. Maktabgacha ta’lim muassasasining ota-onalar bilan ishlashida keng aholi ommasi orasida pedagogik tashviqot ishlarini tashkil etish orqali bolalarni tarbiyalashda ijobiy natijalarga erishish mumkin.² Tarbiyachi ota-onalar bilan hamkorlik ish shakillarini quyidagi usullardan biri orqali olib borishi mumkin: Ota-ona va oila bilan yakkama-yakka ishlash. Bunda oilaga tarbiyachining borishi. Ota-onalar uchun suhbat o‘tkazish, ularga maslahat berish, ota-onalar bolaning maktabgacha ta’lim muassasasidagi hayoti bilan tanishtirish kabilar kiradi. Ota-onalar bilan jamoa tarzida tashkil qilinadigan ishlar. Bular ota-onalarning guruhiy va umumiy majlislari, ota-onalar maktabi, anjumanlar, shanbaliklar, savol-javob kechalari kiradi. Ko‘rsatmali ishlar-ishning bu turi ko‘rgazmalar uyushtirish, bolalarning ijodiy ishlarini namoyish qilish, ochiq eshiklar kuni, ota-onalar burchagi ota-onalar uchun kutubxonalar tashkiletish kabilar bo‘lishi mumkin. Bolani oilasini borib ko‘rish va oila a’zolari bilan yaqindan tanishish. Ota-onalarga pedagogik ta’lim berish va boshqa hamkorlik ish shakillarini aytishimiz mumkin.