Маoлумотнома

So’z bilan ifodalash – bu harakat faoliyati haqida tasavvur hosil qilish usuli bo’lib, faoliyatning xarakterli belgilari so’z orqali sanaladi, nima qilish lozimligi tushuntiriladi, nima sababdan aynan shunday qilish zarurligi gapiriladi. Undan o’quvchining harakat tajribasi va bilimiga asoslanib dastlabki - birlamchi tushuncha hosil qilish yoki eng sodda harakatlarni o’zlashtirishda foydalaniladi.

Tushuntirish - harakat faoliyatlariga ongli munosabat-ning muhim usullaridan biri bo’lib, u “nima uchun?” degan asosiy savolga javob beradi.

Suhbat – bir tomondan, faollikni oshiradi, o’z fikrini aytish malakasini shakillantiradi, boshqa tomondan, o’qituv-chiga o’z o’quvchilarining bilish, bajarilgan ishni baholash uchun yordam beradi. Suhbat faqat o’qituvchining o’quvchilarga bergan savollari va ularga o’quvchilarning javoblari yoki o’z dunyo-qarashlarini erkin gapirib berish, o’rtaga savol tashlash tarzida amalga oshiriladi.

Muhokama – biror vazifani aniq hal qilib bo’linganidan so’ng o’tkazilishi bilan suhbatdan farq qiladi. Muhokama o’qituvchi tomonidan o’tkazilsa, bir tomonlama, o’quvchilar ishtiroki bilan o’tkazilsa ikki tomonlama bo’ldi deb aytish mumkin.