Sana: Fan: Adabiyot Mavzu: Erkin Vohidov hayoti va ijodi

Sana:
Fan: Adabiyot
Mavzu: Erkin Vohidov hayoti va ijodi
Darsning maqsadi:
ta’limiy maqsad-o`quvchilarga Erkin Vohidov hayoti va ijodini, uning adabiyotda tutgan o`rnini o`rgatish;
tarbiyaviy maqsad- dunyoqarashi keng va chuqur bilimlarga ega bo’lgan vatanparvar yoshlarni tarbiyalash; shukronalik hissini uyg`otish, boy tariximizni ko`z qorachig`idek asrash, yurtga sadoqat hissini tarbiyalash.
rivojlantiruvchi maqsad- o’quvchilar faolligi, iqtidor va salohiyatini rivojlantirish;
ommaviy axborot vositalari bilan aloqa o`rnatishga qiziqtirish;
Tayanch kompetensiya elementlari:
Axborotlar bilan ishlash kompetensiyasi: televizor, radio,telefon orqa berilgan xabarlarni gapirib bera olish.
O’z-o’zini rivojlantirish kompetensiyasi: kattalarni hurmat qilish, ularning nasihatiga amal qilish, jamoat joylarga o’zini tuta bilish.

Milliy va umummadaniy kompetensiyasi: milliy bayramlarni, milliy qadriyatlarni, o’zi yashab turgan tarixiy obidalarni bilish va bir-biridan farqlash.
Dars turi: aralash
Dars metodi: suhbat, savol- javob,test, “Shoirlardan maktub”, “Men kimman?” usullari
Darsning jihozi:
didaktik jihoz: darslik, ko`rgazmalar, vatmat
texnik jihoz: proyektor, notbuk
Darsning borishi:
I.Tashkiliy qism:
a) salomlashish hamda navbatchi axborotini tinglash;
b) davomatni aniqlash hamda tozalik nazorati;
s) ma`naviy daqiqa.
Dars shiori:
“Kuch – bilim va tafakkurda”
O`qituvchi:
To tirikdirki tabiat
To quyosh sochgayki nur,
Uch egiz bordir tushuncha,
Uch bu so`z yondosh bo`lur


Mohir-u mehr-u mahorat
Olim-u ilm-u amal
Oshi-u ishq-u muhabbat
Shoir-u she’r-u shuur

Assalomu alaykum, hurmatli o`quvchilar va sinfimizga tashrif buyurgan mehmonlar! Atoqli shoir Erkin Vohidov so`zlari bilan aytganidek, “mehr va mahorat” bilan darsimizni tashkil etishga harakat qilamiz!

O`quvchilar uchta guruhga bo`linadi. Guruhlariga nom, shior va sardor tanlaydilar. Guruhlarga mos ravishda nom tanlanadi:

1-guruh – “O`zbegim”

2 - guruh – “ Yoshlik”

3-guruh – “Tafakkur”

II. O`tilgan mavzuni mustahkamlash:
O`tilgan mavzuni mustahkamlash “Shoirlardan maktub” va “Men kimman” usuli orqali takrorlanadi.
Ikki vatmanga o`tilgan darslarda o`zlashtirilgan shoirlarning surati yopishtiriladi. Shoirlar nomidan oq qog`ozga maktub yoziladi. Shu maktublar o`quvchilarga tarqatiladi. O`quvchilar ushbu xatlarni o`qib mualliflarini aniqlab, shoirlar surati oldiga joylashtiriladi.
Maktub quyidagicha yoziladi:
Men 1926-yil 20-oktabrda hozirgi Janubiy Qozog`iston viloyatiga qarashli Qarnoq qishlog`ida tug`ildim. O`sha yerda o`rta maktabni tugatib, harbiy xizmatga ketdim. Harbiy xizmatimni o`tash vaqtida Yaponiyada bo`lgan urushda ishtirok etdim.
O`quvchi xatni o`qiydi va Odil Yoqubov suvrati oldiga olib borib joylashtiradi.
Shu tarzda Xudoyberdi To`xtaboyev, Muhammad Aminxo`ja Muqimiy, Abdulla Qahhor kabi ijodkorlardan ham maktub olinib, o`qib eshittiriladi.


“Men kimman” usulida har bir guruhdan ikkitadan o`quvchi chaqiriladi. Ularning boshlariga o`tilgan darslarda o`qilgan asarlar qahramonlarining yozilgan bosh kiyim taqiladi. O`quvchilar bosh kiyimlarida yozilgan ismlarni bilishmaydi. Qolgan o`quvchilar qahramonlarga most a`riflarni ayta boshlashadi.
HOSHIMJON
1-o`quvchi: Siz sehrli qalpoqchangiz bilan ko`plab ishyoqmas, dangasa, lo`ttiboz kimsalarni dodini berdingiz.
2-o`quvchi: Sizni ba’zida jiddiy, ba’zida quv, ba’zida esa hazilkash xarekteringiz meni jalb qilgan…
Shunda o`quvchi o`zini kim ekanligini anglab yetadi.
Yana quyidagi qahramonlar ham ishtirok etadi:
QORAVOY
SOTIBOLDI
OMON
SARIBOY
III. Yangi mavzu bayoni.
O`qituvchi yangi mavzuni slaydlar yordamida tushuntiradi:







IV. Mavzuni mustahkamlash: 
Mavzuni “Koptokni kim ushlab qoladi?” usuli bilan mustahkamlanadi. Har bir o`quvchi koptokni oshirayotib bittadan Erkin Vohidov hayotiga oid ma’lumot aytadi. Agar ayta olmasa, o`yindan chiqib ketadi.
Ochiq testlar taqdim qilinib, bilimlar yanada mustahkamlanadi.
V. O`quvchilarni baholash va rag`batlantirish:
Dars avvalida har bir guruhga taqdim etilgan daraxt surati o`qituvchi bergan mevalar bilan boyitib boriladi. Mevalarning rangiga va soniga qarab, g`olib guruh aniqlanadi.
VI. Uyga vazifa: “O`zbegim” qasidasini yod olish