Ma’lumki iqtisodiyot rivojlangan sari milliy chegaralar kesib o’tiladi, transchegaraviy faoliyatlar paydo bo’ladi, xalqaro miqyosda ishlar olib borila bshlaydi

“O’zbekiston Respublikasining xalqaro shartnomalari to’g’risida”gi qonunning tarkibiy tuzilishi

Mamlakatimiz mustaqillikka erishgandan so’ng davlat iqtisodiyotini rivojlantirish maqsadida, mamlakatimizda chet mamlakatlari bilan hamkorlik olib borish zaruriyati yuzaga keldi. Buning natijasida qator xalqaro shartnomalar qabul qilindi. Yillar davomida qabul qilingan xalqaro shartnomalar va kelgusida qabul qilinadigan xalqaro shartnomalarni tartibga solish va me’yoriy-huquqiy asosini shakllantirish maqsadida 1995-yil 22-dekabrda qabul qilngan va 1995-yil 29-dekabrdan kuchga kirgan “O’zbekiston Respublikasi xalqaro shartnomalari to’g’risida”gi qonuni qabul qilindi. Jahon iqtisodiyoti, xususan davlatimiz iqtisodiyotining rivojlanishi, siyosatimizning rivojanishi natijasida “O’zbekiston Respublikasi xalqaro shartnomalari to’g’risida” gi qonunning yangi tahriri ishlab chiqildi va Qonunchilik palatasi tomonidan 2018-yil 22-noyabrda qabul qilingan va Senat tomonidan 2018-yil 13-dekabrda ma’qullangan “O’zbekiston Respublikasi xalqaro shartnomalari to’g’risida” gi qonuni qabul qilindi. 518-sonli O’zbekiston Respublikasi qonuni 2019-yil 6-fevraldan amalga tadbiq etildi. “O’zbekiston Respublikasi xalqaro shartnomalari to’g’risida”gi qonun tarkibi jihatdan 6 bob va 56 moddadan iborat.

Qonundagi 6ta bob quyidagicha nomlangan:

• 
  Umumiy qoidalar;
  
• 
  O’zbekiston Respublikasining xalqaro shartnomalarini tuzish tartibi;
  
• 
  O’zbekiston Respublikasining xalqaro shartnomalarini e’lon qilish, ro’yxatdan o’tkazish va saqlash;
  
• 
  O’zbekiston Respublikasining xalqaro shartnomalarini bajarishga doir chora-tadbirlar;
  
• 
  O’zbekiston Respublikasining xalqaro shartnomalarining haqiqiy emasligi, uning amal qilishini to’xtatib turish yoki uni tugatish.
  

Bu qonunning asosiy maqsadi qonunning 1-moddasida quyidagicha yoritilgan:
Ushbu Qonunning maqsadi O‘zbekiston Respublikasining xalqaro shartnomalarini tuzish, bajarish, ularning amal qilishini to‘xtatib turish va ularni tugatish sohasidagi munosabatlarni tartibga solishdan iborat.²
O’zbekiston Respublikasi xalqaro shartnomalari to’g’risidagi qonunning xalqaro shartnoma tuzuvchilar va qonunni o’rganuvchilar uchun oson va tushunarli bo’lishini inobatga olib qonunda foydalanilgan asosiy tushunchalar 4-moddada aks ettirilgan va quyidagicha ta’rif berilgan:
Qonunda 1-jadvald keltirilgan asosiy tushunchalar qo‘llanilgan va ularga qisqa ta’rif berilgan
1-jadval