Мактабгача тарбия ёшдаги болалар билан ўтказиладиган психологик ташхис

ҲИССИЁТЛАРИНГНИ ТИЛЧАНГ БИЛАН ИФОДАЛА
Мақсад: болаларда топқирликни шакллантириш;
Эмоционал ҳолатларни ифодалашни ривожлантириш.
Бошловчи болалардан тилчаларини чиқаришни ва у орқали барчага хурсандчилиги, ғазабланиши, қўрқишини ифодалаб кўрсатишларини сўрайди.


УЙЧАДА КИМ ЯШАЙДИ.
Мақсад: Болалар қўлларини бошлари юқорисида учбурчак шаклида том қилиб, уйчага ўхшаб турадилар. Бошловчи ҳар бир уйчанинг олдига келиб, "таққиллатади" ва шундай дейди: "Ким бу уйчада яшайди?" Уйчадаги бола ўзининг исмини айтади. Сўнгра бошловчи ҳар бир боладан: "Энг яхши кўрган нарсанг нима?", "Энг катта ютуғинг нима" ва ҳ.к. кабиларни сўрайди.
Болалар эса берилган саволларга жавоб берадилар.
Кто в домике живет?


ҲИССИЁТИНГНИ ҚЎЛЛАРИНГ ОРҚАЛИ ИФОДАЛА
Мақсад: болаларда топқирликни шакллантириш;
Эмоционал ҳолатларни ифодалашни ривожлантириш.
Бошловчи болалардан қўллари ҳиссиётларни
(хурсандчиликни, қўрқувни, ғазабни ва ҳ.к.ларни) ифодалай ола бошлаганини тасаввур қилишларини сўрайди. Сўнгра бошловчи болаларга ифодалаб беришлари керак бўлган ҳиссиётларни айтади ва ҳаракатлар намунасини кўрсатиб беради. Қувонч ҳиссини қўлларини столда сакратиб, ғазаб ҳиссини бармоқлар бир-бирини туртаётганлиги ва қўрқувни бармоқларини қалтиратиб ва мушт тугиб ифодалайди.


МЕҲМОНЛАР СОВҒАСИ
Мақсад: Болаларни ўзларини намоён қилишга ўргатиш.
Бошловчи ерга 3-4 та катта ўйинчоқларни қўяди. Бир боланинг кўзи боғланади. У меҳмонлар унга қандай ўйинчоқ совға қилишганлигини қўли билан пайпаслаб топиши керак бўлади. Кичик ёшдаги болаларга топишлари лозим бўлган ўйинчоқни ўйиндан аввал кўрсатиш керак бўлади. Каттароқ ёшдаги болалар эса ўзларига нотаниш ўйинчоқларни топишлари лозим.


ЎЙИНЧОҚЛАР ДЎКОНИ
Мақсад: болаларни ўзларини намоён қилишга ўргатиш.
Бошловчи гуруҳдан бир неча болани танлаб олади ва уларни ўйинчоқларга "айлантиради": машина, қўғирчоқ, копток, аравача ва ҳ.к. (Шу билан бирга бошловчи ҳар бир болага секингина қайси ўйинчоқ эканлигини айтиб ўтади.) Ўйинчоқларга "айланган" болалар уларни тасвирлаб беришади, қолган болалар эса қайси ўйинчоқ эканлигини топишлари керак бўлади. Илғор гуруҳ болаларидан эса ўйинчоқларни эмас, балки улар билан боғлиқ қандайдир ҳаракатларни тасвирлаб беришларини сўраш мумкин. Масалан: қўғирчоқни эркалаш, машинани юргазиш ва ҳ.к.