Мактабгача тарбия ёшдаги болалар билан ўтказиладиган психологик ташхис

МЕН ҚАЕРДА БЎЛДИМ?
Мақсад: болаларни ўзларини намоён қилишга ўргатиш.
Болалар доира бўлиб ўтирадилар. Тарбиячи болалардан бирини танлаб, сўрайди: "Сен қаерда эдинг, нима қилдинг?- гапирмасдан кўрсатиб бер". Сўнг у нима қилганини тасвирлаб кўрсатиб беради. Қолган болалар эса уни нима қилганлигини топиши лозим. Агар бола нимани тасвирлаб беришни билмаса, тарбиячи унга ёрдам беради (м-н, ҳайвонот боғига борганини, ўйин машғулотини, конькида учишни ва ҳ.к.). Ўйин ҳамма хоҳловчилар нима қилганликларини кўрсатиб бермагунча давом этади.


УРУҒДАН - ДАРАХТГА
Мақсад: Болаларни ўзларини намоён қилишга ўргатиш.
Болалар доира бўлиб турадилар. Тарбиячи марказда туриб болаларга кичкина уруғга ўхшаб туришларини айтади. (чўкка тушган ҳолда, бошларини қўл билан ёпиб ўтирадилар). Тарбиячи - боғбон уруғларга сув қуйиб уларга меҳр билан қарайди (бошларини ва танасини силайди). Илиқ баҳорнинг қуёшли кунида секин-аста ўса бошлайдилар. (болалар - уруғ секингина кўтарилади.) Унинг секин-аста баргларини оча бошлайди (қўлларини кўтаришади), тана ўса бошлайди. Сўнгра ғунча очила бошлайди (бирлаштириб турган қўл бармоқлари очилади) ва униб келаётган ниҳол чиройли, бақувват гулга айланади. Ёз фасли келади гуллар яхшиланиб, қўшни гулларга кулиб, салгина бармоқларини учи билан уларга тегиб қўядилар. Мана энди шамол эсиб куз фасли кириб келади. Гуллар номаъқбул ҳаводан ҳар тарафга силкиниб кетадилар. (қўлларини, бошларини, таналарини ҳар тарафга ғимирлатадилар). Шамол шу ғадар кучли эсадики, гулнинг баргларини тўкиб юборади (қўлларини пастга туширадилар), гул қийшайиб ерга ётиб қолади. У энди қайғуга ботган. Шундан сўнг эса қишнинг қори ёға бошлайди. Гуллар яна уруғга айланиб қоладилар (ерга эгилиб ўтирадилар). Қор уруғни қоплаганлиги учун иссиқина ҳотиржам уй?уга кетади. Яқинда яна баҳор келади ва у яна жонланади. Болалар ерга энгашиб ўтирганларидан сўнг тарбиячи ҳар бир боланинг олдига келиб бошини силаб чиқади.
Ўйин шу тариқа давом этади.
ЎЙИНЧОҚНИ СЎРАБ ОЛ