Maktabgacha ta’limga qo‘yiladigan davlat talablari

2-§. Mayda motorikani rivojlantirish 

169. Quyidagilar 2 yoshdan 3 yoshgacha bo‘lgan bolalarda mayda motorika rivojlanishining talablari 

hisoblanadi: 

qo‘llari va barmoqlarining harakatlarini nazorat qilish qobiliyatiga ega bo‘lish; 

o‘yinchoqlar va umumiy foydalanishda bo‘lgan buyumlardan foydalana olish. 

170.  Quyidagilar  2  yoshdan  3  yoshgacha  bo‘lgan  bolalarda  mayda  motorika  rivojlanishining 

indikatorlari hisoblanadi: 

yuzali  va  hajmli  buyumlarni  tegishli  shakldagi  teshiklarga  solish  (segen  taxtasi,  montessori 

vkladishlari); 

plastilin yoki loydan turli buyumlarni ishtiyoq bilan yasash, uzish, dumaloq shakllar yaratish; 

mozaikani terish, o‘yinchoq to‘plamlaridan oddiy konstruksiyalarni yasash; 

kichik narsalarni savatga joylashtirish va undan chiqarish; 

5 — 7 bo‘laklardan iborat bo‘lgan minorachalar qurish; 

marker, qalamni ushlayotganda katta va ko‘rsatkich barmoqlaridan foydalanish; 

kiyimlarining tugmachalarini taqish yoki echish; 

o‘yinchoq yoki narsalarning qismlarini ajratish, qutichalar yoki ruchkalarning qopqoqlarini ochish va 

yopishni uddalay olish; 

qaychidan foydalana boshlash. 

171. 2 yoshdan 3 yoshgacha bo‘lgan bolalar ta’limiga quyidagicha yondashish lozim: 

bolaga xaltacha yoki quticha berish va ularning ichiga biror buyumlarni solish yoki chiqarishni iltimos 

qilish; 

bolaga bo‘laklarni qanday yig‘ish va ulardan minoralarni qurish, mozaikani terish bo‘yicha yo‘l-yo‘riq 

berish; 

bolaga turli qalamlarni berib, ularni to‘g‘ri ushlashni o‘rgatish va ular yordamida qog‘ozga biror nima 

chizishni iltimos qilish; 

kichik  tugmachalardan  boshlagan  holda  bolaning  turli  buyumlarning  tugmachalarini  taqishi  va 

echishini rag‘batlantirish; 

bolaning o‘yinchoqlarni yig‘ishi va kerakli qutichaga solishini rag‘batlantirish; 

bola o‘ynayotganda, uning atrofida bir necha o‘yinchoqlar bo‘lishini ta’minlash; 

bolaga ip o‘tkazish va chiqarish, ajratish va terish mumkin bo‘lgan o‘yinchoq munchoqlar yoki boshqa 

buyumlar berish; 

bolaga uchlari to‘mtoq qaychi berib, uning qaychini ikki qo‘li bilan ochib-yopishini rag‘batlantirish; 

boladan qog‘oz chetini mayda popuk qilib kesib chiqishni so‘rash. 

172.  Bola  chapaqay  bo‘lsa,  uni  majburlamaslik  lozim.  Agar  bolaning  mashg‘ulotga  qiziqishi 

so‘nayotgan bo‘lsa ham, uni majburlamasdan bunday mashg‘ulotlarni to‘xtatish kerak.