Maktabgacha ta’limda nutq madaniyati” fanidan o‘quv-uslubiy majmua

Фан бўйича билим, малака ва кўникмага

қўйиладиган талаблар

“Нутқ маданияти асослари” фанини ўзлаштириш жараёнида амалга ошириладиган масалалар доирасида бакалавр:

- Нутқ маданияти шахс умуммаданий қиёфаси, савиясини белгиловчи фазилатлардан асосийси эканлигини англаши зарур.

- Нутқ маданиятини тарбиялаш ва ўстиришда тил сиёсати ва тил ҳақидаги қонунларнинг ўрнини англайди.

- Нутқ маданиятининг назарий ва амалий муаммо эканлигини тушунади;

- Нутқ маданияти, муомала маданияти алоқадорлиги, унинг тарихи, унга эътиборнинг доимий муҳим эканлиги ҳақида маълумотларни ўрганади, уларга ўз муносабатини билдирадиган бўлиши зарур.

- Нутқ маданияти ва нотиқлик муносабати ҳақида билимларга эга бўлади.

- Курснинг бошқа фанлар билан муносабатини белгилаб олишни ўрганиш зарур.

- Курсни ўқиш жараёнида адабий тилнинг нутқ маданияти билан муносабатини англайди. Адабий тил ва унинг меъёрларига амал қилиш бу фаннинг асосини ташкил этишини ҳис қилади.

- Нутқнинг нутқий бўлмаган қоидалар билан муносабати унинг коммуникатив сифатларини белгилашни, бу курснинг асосий назарий жиҳати эканлигини англаш зарур.

- Меъёр назарияси ҳақида билимларга эга бўлиш; Нутқ услублари, уларнинг ўзига ҳос меъёрлари (хусусий) борлиги ҳақида билимга эга бўлишлари зарур.

- Тил маданияти, тил бойлиги, нутқ маданияти, нутқ бойлиги, нотиқлик тушунчалари моҳиятини билиши; нутқ маданиятини эгаллаш йўлларидан хабардор бўлиши; тилнинг бой имкониятларидан нутқ жараёнида фойдалана олиш кўникмаларига эга бўлишлари зарур.