Maktabgacha ta’limda nutq madaniyati” fanidan o‘quv-uslubiy majmua

Nazorat ishlari ishlanmasi mustaqil bilim, joriy nazorat, oraliq nazorat, yakuniy nazorat, bularga: savollar, testlar, yozma ish variantlari va h.).

MUSTAQIL ISH TURLARI

1. 
   Takrorlash va mashq qilish. Dars mashg‘ulotlari davomida va auditoriya soatlarida olingan bilimlarni takrorlash, tahlil qilish, qayta ishlab chiqarish, chuqurlashtirish, mustahkamlash, eslab qolish, amaliy mashg‘ulotlar topshiriqlarini bajarish uchun ko‘nikma hosil qilish, malakalarini shakllantirish va h.
   
2. 
   Yangi bilimlarni mustaqil o‘zlashtirish. O‘quv dasturiga binoan auditoriya darslari uchun mo‘ljallanmagan yangi mavzularni o‘zlashtirish, fan mavzulari bo‘yicha axborot manbalarini izlab topish, ular ustida ishlash, konspektlashtirish yoki referat tarzida rasmiylashtirish va o‘zlashtirish, fikrlarni izchil bayon qilish bo‘yicha ko‘nikma va malakani shakllantirish, mustaqil ta’lim olish metodlarini o‘rganish va h.
   
3. 
   Ijodiy xarakterdagi – izlanish talab qilinadigan ishlarni bajarish, muammoli vaziyatlarni aniqlash, tahlil qilish, mustaqil ravishda qaror qabul qilish ko‘nikmalarini egallash, masalani hal qilishga ijodiy yondashishni o‘rganish, test va topshiriqlar tuzish, ko‘rgazmali vositalar tayyorlash, ilmiy xarakterdagi ishlanmalarni talab qiladigan masalalarni hal qilish usullari bilan tanishish va h.
   

MUSTAQIL TA’LIM

Mustaqil ishga rahbar tayinlanadi. Mustaqil ish jadvali tuziladi.

Mustaqil ish bo‘yicha konsultatsiya soatlarini qayd etish jurnali tutiladi.

Mustaqil ishda bajarilgan topshiriqlarning yozma bayoni(ma’ruzalar, referatlar, konspektlar, aamaliy mashg‘ulotlar daftari, nazorat ishlari, ijodiy ish namunasi, taqrizlar, maqolalar).

Mustaqil ishni bajarish uchun shart-sharoit yaratiladi(kutubxona, INTERNET, kompyuter, ishlab chiqarish korxonasi bilan shartnoma).

Mustaqil ish himoya qilinadi va kafedrada saqlanadi. Mustaqil ish bahosi jurnalga qayd etiladi. Mustaqil ishning bajarila borish jarayoni va yakuni kafedra yig‘ilishida muhokama qilinadi.

Yuqori bahoga loyiqlari ma’naviy va moddiy rag‘batlantirish uchun tavsiya etiladi.

Mustaqil ishlar joriy nazoratlarga ajratilgan ballar doirasida baholanadi.