Maktabgacha oligofrenopedagogika va maktabgacha tarbiya maxsus metodikasi

Kuzatish metodi – bu metod pedagogik jarayon va uning natijalarini о‘rganishda passiv metod hisoblanadi. Bu metod tabiiy sharoitda olib boriladi. Pedagogik tajribalarni umumlashtirishga va о‘rganishga imkoniyat yaratadi. Kuzatishni о‘tkazish oldindan aniq rejalashtirilgan bо‘lishi, hamda uning maqsadi, obyekti. Aniq vaqti belgilangan bо‘lishi lozim.

Eksperiment – bu tekshirishning aktiv metodi hisoblanadi. Bunda eksperimentator uchun kerakli sharoitlarni hammasi yaratib berilishi kerak. Pedagogik fanda eksperiment metodining vazifasi – bu turli xil pedagogik usullarni bolaga ta’sirini sinab kо‘rish va uning effektivlik darajasini aniqlashdir.

Aqli zaif bolani о‘rganishda bolaning rivojlanish tarixini о‘rganish juda kata ahamiyatga ega. Bu metod MNS ning jarohatlanish vaqtini va sabablarini aniqlashga hamda bolaning qanday sharoitda о‘sganligi va tarbiyalanganligi. Bu sharoitlar bolaning rivojlanishiga qanday ta’sir etganligini aniqlashga yordam beradi.

Bola faoliyatini о‘rganish ham muhimdir. Bunga qurish-yasash, rasm chizish. Yopishtirish. О‘yin faoliyatlarini kiritish mumkin. Bu metod orqali biz faqatgina bola psixikasini aniqlab qolmasdan balki aqli zaif bolaning rivojlanishini u yoki bu о‘qitish va tarbiyalash usullarida qanday aks ettirilishini kо‘rishimiz mumkin.

Suhbat metodidan maktabgacha yoshdagi aqli zaif bolalarni о‘rganishda ularning nutqi rivojlanmay qolganligi sababli yetarlicha foydalanish imkoniyatini chegaralangan. Ammo maktabgacha oligofrenopedagogika ushbu metod yordamida korreksion – tarbiyaviy jarayonning samaraliligi haqida zarur ma’lumotlarni oladi.