Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Rasmlar asosida gap tuzishga o’rganadilar.

Grammatik jihatdan to’g’ri so’zlashga intiladi

Kerakli jihozlar:

Turli mavzularda rasmlar

Mashg’ulotning borishi. Tarbiyachi: Bugun bolalar, siz bilan “K” tovushi ishtirok etgan rasmlarni ko’ramiz, ular haqida gap tuzamiz.

-Bu qanday qush (kakku)

-Men kakku haqida gap tuzdim. “Kakku chiroyli sayraydi.”

-Siz kakku haqida qanday gap tuzgan bo’lar edingiz?

(Bolalar javoblari: kakku uchdi; kakku sayradi; kakku kukuladi. )

-Barakalla, bolalar, hozir men sizga rasmlar tarqataman. Siz rasmga qarab gap tuzasiz. Tuzgan gapingizda “K” tovushi ko’proq uchrashiga harakat qiling.

Tarbiyachi: - Feruza, senda qanday rasm bor, nomla.

Feruza:-menda kitob rasmi bor.

Tarbiyachi: kitob so’zida “K” tovushi so’zning qaerida kelyapti?

Feruza: kitob so’zida “K” tovushi so’zning boshida kelyapti.

Tarbiyachi: kitob so’zini bo’g’inga bo’l.

Feruza: ki-tob

Tarbiyachi:- ki-tob so’zi necha bo’g’in ekan?

Feruza: ki-tob so’zi ikki bo’g’in ekan

Tarbiyachi:- kitob haqida qanday gap tuzding?

Feruza: - Karim kitob oldi.

Tarbiyachi: tuzgan gapingda nechta so’z bor?

Feruza: - uchta

Tarbiyachi: -qanday so’zlar?

Feruza: - “Karim”, “kitob”, “oldi”

Tarbiyachi: -to’g’ri, Feruza uch so’zdan iborat gap tuzdi. Karim kitob oldi. Gapda “Karim” birinchi so’z, “kitob” ikkinchi so’z, “oldi” uchinchi so’z.

Tarbiyachi shu tariqa bolalardan “K” tovushi ishtirok etgan so’zlardan gap tuzishlarini so’raydi. Bolalarning so’zdagi tovushlarni to’g’ri talaffuz qilishlariga, tuzilgan gapda so’zlarning bog’lanishiga e’tibor beradi. Mashg’ulot davomida albatta jismoniy daqiqa o’tilishi lozim.