Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Bolalarning bog’langan nutqi rivojlanadi.

Bolalar berilgan so’zlardan xilma-xil gaplar tuzishni o’rganadilar.

Kerakli jihozlar:

Ona va bola tasvirlangan surat

Mashg’ulotning borishi

Tarbiyachi: Bolalar, dunyoda eng sevimli, mehribon kishimiz kim? (Onamiz). Juda to’g’ri onamiz! (Tarbiyachi ona va bola tasvirlangan suratni iladi). U mehribon, g’amxo’r. Ular bizni ozoda qilib kiyintirib qo’yadilar. Agar o’ynab kech qolsak, darrov izlab topadilar. Onalarimiz pazanda: bizga non, somsa va mazali ovqatlar qilib beradilar.

Siz onangizni yaxshi ko’rasizmi?

Ularning aytganlarini qilasizmi? Men hozir sizga R.Azizxo’jaevning “Oyijon” hikoyasini o’qib beraman. Diqqat bilan eshiting-chi! Hikoyada Qosim degan bola onasiga qanday muomalada bo’lar ekan? (Tarbiyachi hikoyani o’qib beradi).

Hikoya bo’yicha savollar:

1. Qosimning onasi nima uchun ba’zan uni jerkib tashlar ekan?

2. Po’latjon qanday bola?

3. Qosim Po’latdan o’rnak oldimi?

4. Onasi Qosimga qanday muomalada bo’ladigan bo’ldi?

Tarbiyachi bolalar javoblarini umumlashtirib, hikoyani yana bir bor o’qib beradi. (3-4 bolaning javoblari tinglanadi).

Maqollar ustida ishlash. Tarbiyachi bolalarga odob-ahloq haqida maqollar aytadi:

1. Odobli bola elga manzur.

2. O’zingdan kattani hurmat qil.

Tarbiyachi: Bolalar, siz qanday o’ylaysiz? Bu maqollar hikoyaga mosmi?

3. Qosim haqida qanday maqol aytish mumkin?

(O’zingdan kattani hurmat qil).

4. Po’lat haqida qanday maqol aytish mumkin? (Odobli bola elga manzur).