Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Bolalarning bog’langan nutqi rivojlanadi.

Bolalar mantiqiy rivojlanib boruvchi hikoya tuzishni o’rganadilar.

Kerakli jihozlar:

Hikoyani sahnalashtirish uchun jihozlar

Mashg’ulotning borishi

Tarbiyachi: Bolalar, siz bir-biriga, kattalarga, kichiklarga yordam berish deganda nimani tushunasiz? Sizga aytsam, yordam berish ham ikki xil bo’lar ekan. Qanday deysizmi? Hozir men o’qib bermoqchi bo’lgan hikoya ikki xil yordam haqida yozilgan. Hikoyani diqqat bilan eshitsangiz, qaysi bir yordam yaxshi ekanligini bilib olasiz.

Tarbiyachi hikoyani ifodali qilib o’qib beradi. Hikoya bo’yicha savollar:

1. Hikoya nima haqida ekan?

2. Bir xotin nima ko’tarib ketayotgan ekan?

3. Birinchi bola nima deb o’tib ketdi?

4. Ikkinchi bola nima ish qildi va nima eshitdi?

5. Birinchi bola nimaga xayron bo’lib qoldi?

Savol-javobdan so’ng tarbiyachi hikoyani yana bir marta o’qib beradi (5-6 bolaning hikoyasi tinglanadi).

Tarbiyachi grammatik mashq o’tkazadi:

Xotin og’ir to’r xaltani ko’tarib ketayotganda qanday holatda edi? (charchagan, toliqqan, xorigan).

Ikkinchi bola kartoshkani to’r xaltaga solganda xotinning kayfiyati qanday o’zgardi? (xursand, suyundi, mamnun) kabi.

Mashg’ulot yakunida bolalarni rag’batlantirish.