Maktabgacha muassasalar xodimlarini qayta tayyorlash va malakasini oshirish respublika

Kerakli jihozlar:

“Ch” tovushi bor suratlar

“Bo’g’inlardan so’z tuzing» ta’limiy o’yin uchun materiallar

Mashg’ulotning borishi:

Tarbiyachi: bugun bolalar “Ch” tovushi haqida suhbatlashamiz. “Ch” undosh tovush. Tovushni eshitamiz, talaffuz qilamiz. Diqqat bilan eshiting “Ch” tovushini talaffuz qilganimda chapak chalasiz.

- “Ch” “r”, “l”, “Ch”, “a”, “o”, “u”, “Ch”, “sh”, “z”, “Ch” …..

- “Ch” tovushiga oid so’zlar topishga harakat qilamiz: chamadon, choynak, chang’i, qo’g’irchoq, ruchka, cho’mich, echki, pechka (bolalar qiynalsalar rasm ko’rsatish mumkin)

- Aytilgan so’zlardagi “Ch” tovushini o’rnini aniqlaymiz.

Men aytaman, siz aniqlaysiz: choy-nak. Men shu so’zni qayta aytaman, siz birinchi tovushni aytasiz:ch-ch-choy-nak, Demak, choy-nak so’zida “Ch” tovushi so’zning boshida kelyapti; men boshqa so’zni aytaman, siz “Ch” tovushini o’rnini aniqlang: to’y-chi, demak, to’y-chi so’zida “Ch” tovushi so’zning o’rtasida kelyapti. Men boshqa so’z aytaman diqqat bilan eshiting:cho’-mich demak, cho’-mich so’zida“Ch” tovushi so’zning oxirida kelyapti.

Endi o’zingiz mustaqil “Ch” tovushi ishtirok etgan so’zlarni toping va o’rnini aniqlashga harakat qiling. Bolalar aytgan so’zlarini chapak chalish orqali bo’g’inlarga bo’ladilar. (choy, chol, chana, chimoli, chaqaloq)