Мактаб раҳбарларининг молиявий ва ҳуқуқий саводхонлиги

Бюджетдан ташқари маблағлар
Бюджет ташкилотини ривожлантириш жамғармаси:
ҳисобот чорагининг охирги иш куни охирида бюджет ташкилотларининг Молия вазирлиги Ғазначилигида ва унинг ҳудудий бўлинмаларида очилган ҳисоб рақамларида қолган тежаб қолинган маблағлар (капитал қўйилмалар бўйича харажатларни тўлаш учун назарда тутилган маблағлар бундан мустасно);
бюджет ташкилотлари фаолияти турига мувофиқ товарлар (ишлар, хизматлар) ишлаб чиқариш ва сотишдан олинган даромадлар;
вақтинча фойдаланилмаётган биноларни ва давлатнинг бошқа мол-мулкини бошқа ташкилотларга ижарага беришдан олинган маблағларнинг 50 фоизи. Маблағларнинг қолган 50 фоизини бюджет ташкилотлари маҳаллий бюджетлар даромадига ўтказадилар;
юридик ва жисмоний шахслар томонидан бюджет ташкилотларига берилаётган ҳомийлик ёрдами (бегараз ёрдам) ҳисобига шакллантирилади.
Бюджет ташкилотини ривожлантириш жамғармаси маблағлари фақат:
аввало вақтинча меҳнатга лаёқатсизлик бўйича нафақаларни ва мавжуд кредиторлик қарзларни тўлашга;
бюджет ташкилотининг моддий-техника базасини мустаҳкамлаш тадбирларига;
ижтимоий ривожлантириш ва бюджет ташкилотларининг ходимларини моддий рағбатлантириш тадбирларига сарфланади.
З.Ким
КАДРЛАР БИЛАН ИШЛАШ

Ишга қабул қилиш

Меҳнат шартномасини тузиш
Ўзбекистон Республикаси Конституциясининг 37-моддасида ҳар бир фуқаронинг меҳнат қилиш, эркин иш танлаш, адолатли меҳнат шартларига оид ҳуқуқлари ҳамда қонун билан белгиланган тартибда ишсизликдан ҳимояланиш ҳуқуқи мустаҳкамлаб қўйилган. Меҳнат шартномаси эркин иш танлашни таъминлайди.
Таълим муассасаси раҳбари ва ходим ўртасида тузилган Меҳнат шартномаси ҳар бир ходимнинг меҳнат қилиш ҳуқуқини таъминлайди. Ўзбекистон Республикаси Меҳнат Кодексининг (ЎзР МК) 77-моддасига биноан ишга қабул қилишга ходим ўн олти ёшга тўлганда йўл қўйилади. Аммо, ЎзР МК бундан кичикроқ ёшдаги шахсларни ҳам ишга қабул қилишга йўл қўйиши мумкин.
Ўн беш - ўн олти ёшни тўлдирган ўсмирларни ота-онасининг бирининг ёки улар ўрнини босувчи шахснинг ёзма равишдаги розилиги билан ишга қабул қилишга йўл қўйилади.