Макаров пистолети ўҚув-услубий қЎлланма

2- расм. Макаров пистолетнинг асосий қисм ва механизмлари.

1- рамка ствол ва тепки чангаги билан; 2- затвор, зарбдор, улоқтиргич ва сақлагич билан;
3- қайтарувчи пружина;
4- зарбдор-тепки механизм қисмлари; 5- даста винти билан;
6- затвор тутқичи; 7- ўқдон

Ҳар бир пистолет учун қуйидаги ашёлар берилади: қўшимча ўқдон, тозаловчи, кобура, пистолет - тасмаси.
Ўқ-отиш учун тушириш илгакини кўрсаткич бармоқ билан босиш керак. Патрондонга узатилган ўқланган патроннинг капсюлига зарбдорнинг зарби натижасида капсюлнинг заряди портлаб, аланга ҳосил қилади. Олов гилзанинг тагидаги тешикдан порох зарядига ўтиб, уни алангалатади.
Порох заряди ёниши натижасида кўп миқдорда кучли қизиган газлар босими ҳосил бўлиб, ствол каналида ўқнинг туби, гилзанинг туби ва деворлари, шунингдек ствол девори ва затворга кучли таъсир кўрсатади.
Порох газларининг босими ўқни стволдан улоқтириб чиқаради; шу вақтнинг ўзида ўқлагич гилза тагига босаётган порох газларининг босими таъсирида ўз улоқтиргичи билан гилзани ушлаган ҳолда ирғитади ва қайтарувчи пружинани сиқиб орқага ҳаракатланади. Гилза қайтаргич билан учрашганида, унга урилиб, ўқлагич дарчасидан ташқарига улоқтирилади.
Ўқлагич орқа чекка ҳолатга ҳаракатланаётганида тепкини ўқида айлантириб, уни жанговар ҳолатга қўяди. Ўқлагич орқа чекка ҳолатга қайтганидан кейин қайтарувчи пружина таъсирида олдинга қайтади. Олдинга ҳаракатланиш пайтида ўқлагич ўқдондан узатилган навбатдаги патронни ушлаб олиб, уни патрондонга олиб бориб жойлаштиради. Ствол канали эркин ўқлагич билан ёпилади; пистолет яна отишга тайёр. Навбатдаги отишни амалга ошириш учун тепки илгагини қўйиб юбориш ва уни қайтадан босиш керак. Шу тарзда ўқдондаги патронлар тўлиқ ишлатилиб бўлгунча отиш давом эттирилади.
Ўқдондаги ҳамма патронлар ишлатилиб бўлганидан кейин ўқлагич тутқичига тиралган ҳолда орқа ҳолатда тўхтаб қолади.