Макаров пистолети ўҚув-услубий қЎлланма

Тўлиқ ажратишдан кейин пистолетни йиғиш.

12-расм. Магазинни қисмларга ажратиш. 13-расм. Магазинни йиғиш. 14-расм. Тепки ҳалқасини асосга ўрнатиш. 15-расм. Тепки тортқичини взвод дастаги билан асосга ўрнатиш.

Магазинни йиғиш. Магазин асоси чап қўлда ушланади, бунда магазин лўкидони учун бўртиқ олдинда ва тепада бўлиши керак; ўнг қўл билан магазин асосига узатгич солинади. Кейин узатгич пружинасининг қайрилмаган қисми пастга қилиниб магазин асосига солинади ва чап қўлнинг бош бармоғи билан пружинани босиб туриб, ўнг қўл билан қопқоқ магазиннинг қайрилган чеккасига суриб кийдирилади, бунда пружинанинг қайрилган чеккаси қопқоқ тешигига кириб қолиши керак. Улоқтиргични ўқлагичга ўрнатиш. Ўқлагичнинг олд қисми ўзига қаратган ҳолда ушланиб, ўнг қўл билан ўқлагич уясига улоқтиргич пружинаси сиқувчиси билан қўйилади. Улоқтиргич илгичи билан ўқлагич косачасига қўйилади, бунда унинг товончаси тепада бўлади. Тозалагич билан сиқувчи жойлаштирилади ва бир вақтнинг ўзида улоқтиргич чап қўлнинг бош бармоғи билан сиқувчига ва пастга босилади. Бунда сиқувчининг бошчаси ўқлагич товончасига ўрнашиб қолиши керак. Турткични ва сақлагични ўқлагичга ўрнатиш. Ўқлагичнинг орқа қисмини ўзига қаратган ҳолда, чап қўлда ушланади ва турткичнинг қирқими сақлагич уяси томонга қаратилиб, ўқлагич каналига солинади. Ўнг қўлнинг бош ва кўрсаткич бармоғи билан сақлагич уяга

киритилиб, кейин тепага ва олдинга буралади.
Тепки ҳалқасини асосга ўрнатиш. Асосни ўнг қўлда ушлаб туриб, туширилувчи ҳалқа пастга тортилади ва асосга тираб қўйилади. Тепки ҳалқасининг боши асос дарчасидан киритилиб, тепки ҳалқасининг айланувчи ўқи ўқ уясига жойлаштирилади; туширилувчи ҳалқа ўз жойига қайтарилади.
Тепки тортқичини взвод дастаги билан асосга ўрнатиш. Асосни чап қўлга олиб, тепки ҳалқасининг думи орқага босилади ва тепки тортқичининг айланувчи ўқи тепки ҳалқасининг тешигига киритилади ва тортқичнинг орқа чеккаси взвод дастаги билан асоснинг орқа деворига туширилади.
Тепкини асосга ўрнатиш. Чап қўл билан дастак асосидан ушлаган ҳолда, тепки ҳалқаси олдинги чекка ҳолатга қўйилади;
ўнг қўл билан тепки бошчасини олдинга қилган ҳолда, унинг айланувчи ўқларини асосдаги ўқлар уясига киритилади ва тепки бошчаси орқага бураб қўйилади.