Махмуджонов асилбек. Мавзу: халк миллий ҳаракатли ўйинлар ёрдамида мактаб ўҚувчиларини жисмоний тайёрлашнинг самарадор йуллари

Тадқиқотнинг объекти‐ умумтаълим мактабидаги мактаб укувчиларининг жисмоний ривожланиш жараёни.
Тадқиқотнинг предмети ‐ мактаб укувчиларининг ва миллий ҳаракатли ўйинлар, уларнинг ўқувчиларда жисмоний сифатлар, кўникма ва малакаларни шакллантириш шароитидаги фаолияти.
Тадқиқотнинг мақсади ‐ миллий ҳаракатли ўйинлардан фойдаланиш орқали мактаб укувчиларининг жисмоний сифатларини ривожлантиришнинг илмий‐педагогик асосларини ишлаб чиқиш, миллий ҳаракатли ўйинлар ролини оширишнинг самарадор шаклларини топиш, уларнинг тарбиявий имкониятларини назарий жиҳатдан ўрганиш ташкил этади.
Тадқиқотнинг фарази ‐ халқ миллий ҳаракатли ўйинларидан мактабда жисмоний тарбия дарсларида тўлиқ ва ҳар томонлама фойдаланилса; ҳар бир ўқувчининг жисмоний тайёргарлиги ва жисмоний ривожланиши ҳисобга олиниб, баркамол шахс сифатида шаклланишига миллий ҳаракатли ўйинларнинг ижобий таъсири яққол аниқланиб, оммалаштирилиб, турли мусобақалар, спорт байрамлари ташкил этилса, ўйинлар воситаси билан мактаб укувчиларининг жисмоний сифатларининг муваффақиятли ривожланишига тез ва осон эришиш мумкин.
Қўйилган мақсадга эришиш тадқиқотнинг қуйидаги вазифаларини бажаришни талаб қилади:
1. мактаб укувчилар жисмоний тарбия тизимида миллий қадриятларнинг зарурлигини асослаш орқали улардан фойдаланиш жараёнида шу ёшдаги ўқувчилар жисмоний тарбиясининг назарий, педагогик ва руҳий асосларини тадқиқ этиш;
2. Миллий ҳаракатли ўйинлардан фойдаланиш орқали умумтаълим мактаблари мактаб укувчилар жисмоний тайёргарлигини аниқлаб, ривожланиш жараёнини кузатиш ва ўтказилган тадқиқотлар орқали маълум хулосалар чиқариш;
3. Жисмоний тарбия дарсларида ҳаракатли ўйинлардан фойдаланиш орқали болаларда жисмоний сифатларни оширишнинг самарадор усуллари ва уларни ўргатиш йўлларини тажриба орқали аниқлаш;
Тадқиқотнинг илмий янгилиги.
‐ мактаб укувчилар жисмоний тарбияси тизимида уларнинг халқ ҳаракатли ўйинлари воситасида жисмоний сифатлари ривожланишининг самарадорлигини тажриба асосида илмий жиҳатдан кенг ва чуқур ўрганиш;
‐ халқ миллий ҳаракатли ўйинларини дидактик‐усулий жиҳатдан қўллаш йўлларини тадқиқ этиш ҳам ишнинг ўзига хос илмий янгилигини кўрсатади.
‐ миллий ҳаракатли ўйинларнинг қўлланишига шароит яратиб бериш, уларнинг самарадорлигини ошириш, унга болаларни жисмоний тарбиялашнинг асосий воситаси деб қараш назарий ва амалий жиҳатдан аниқланмоқда.