Махмуджонов асилбек. Мавзу: халк миллий ҳаракатли ўйинлар ёрдамида мактаб ўҚувчиларини жисмоний тайёрлашнинг самарадор йуллари

Боб бўйича хулосалар Хулоса қилиб шуни айтиш мумкинки, чаққонлик сифатларини тарбиялаш учун яъни 3х10 метр мокисимон югуришда миллий ҳаракатли машқларни бажаришга бўлган имкониятлар катта эканлиги кўринди. Бу кўрсаткичлар бошланғич синф ўқувчилари орасидаги чаққонлик ва тезкорлик машқларини бажаришда ўғил ва қиз болаларнинг кўрсатган натижалари бир‐биридан унчалик катта фарқ қилмаслигини исботлайди. 7‐ ёшли мактаб ўқувчилари жисмоний тарбиясининг узвийлигини ҳисобга олган ҳолда миллий ҳаракатли ўйинларни такомиллаштириш тизими тузилди ва шу асосда иш олиб борилди. Шу ёшдаги болаларга: юқори стартдан 30 метр масофада югуриш, 3х10 метрга мокисимон югуриш, арғамчидан сакраш (30 сонияда), турган жойдан узунликка сакраш (см), нишонга уриш (5 имконият 8 метр масофа), 150 гр.ли теннис коптогини улоқтириш (см) каби машқлар миллий ҳаракатли ўйинлар, спорт ўйинлари элементлари билан қўшиб олиб борилди. Шуни ҳам таъкидлаб ўтиш лозимки, юқорида қайд этилган самарали воситаларни танлаш ва педагогик шароитларнинг яхлит ҳолда яратилиши жисмоний тарбия ишларини олиб боришда унинг кетма‐кетлиги, узвийлигини рўёбга чиқаришга имкон беради. Бу жараёнда 7 ёшли ўқувчиларнинг жисмоний ривожланиши ва тайёргарлиги нисбатан юқори бўлганлигини ҳам алоҳида айтиб ўтиш керак. Шулар асосида миллий халқ ҳаракатли ўйинларига асосланган жисмоний машқлар мажмуаси ишлаб чиқилди ва улар асосида ўқувчилар жисмоний тайёргарлигини аниқлаш учун баҳолаш мезони тузилди. Мактаб ўқувчисининг шахс, комил инсон бўлиб шаклланишида, ривожланишида жисмоний тарбия алоҳида аҳамият касб этади. Халқ жисмоний тарбияси инсоният ривожининг илк босқичларидаёқ болалар ва ўсмирларнинг шаклланишида асосий воситаларидан бири бўлган. Шу боис бугунги ўзлигимизга қайтган давримизда халқ жисмоний тарбияси алоҳида аҳамият касб этмоқда. Халқ анъаналарини ўрганишнинг кенг имкониятлари очилмоқда. Бироқ илмий –усулий адабиётларда Ўзбекистоннинг умумтаълим мактаблари 7‐ ёшли бошланғич синф ўқувчиларининг ўзбек миллий ўйинлари орқали жисмоний ривожланиши ва жисмоний тайёргарлиги тўғрисида маълумотлар кам эканлиги кўринди. Бошланғич синф ўқувчилари жисмоний тарбиясида миллий ўйинлар орқали машғулотларни ташкил этишда, ўқувчиларнинг жисмоний фазилатларини ривожлантириш йўналишлари бўйича илмий тасдиқланган маълумотларни кўпайтириш лозимлиги яққол намоён бўлмоқда. Бунинг устига мустақилликка эришган ва ҳукуматимиз жисмоний тарбияга катта эътибор қаратаётган даврдареспубликамизда нафақат ёшлар, балки барча инсонларнинг ҳаётида миллий ўйин ‐ миллий қадриятларнинг роли ошиб бормоқда.

ХУЛОСАЛАР

1. Ўзбек халқ миллий ўйинлари ва шунга асосланган машқлардан фойдаланиб, ўқувчиларни жисмоний тарбиялашда уларнинг жисмоний тайёргарликлари аниқланди, шу асосда жисмоний ривожланиш, ўзлаштириш даражаси, жисмоний машқлар билан шуғулланишда самарадорликни ошириш учун имконият ва заҳиралар жуда катта эканлиги ёрқин кўринди. 2. Бугунги кунда Бухоро вилоятининг ўзига хос иқлимий ва экологик хусусиятлари билан боғлиқ шароитда мазкур ҳудудда кенг тарқалган миллий ҳаракатли ўйинларидан фойдаланиш 7‐10 ёшли болалар жисмоний тарбиясида зарурдир. Айнан шу ёшдаги ўқувчилар жисмоний тарбиясининг ўрни, педагогик ва илмийназарий асослари қуйидагилар: 7‐10 ёшли болалар жисмоний тарбиялаш тизимида миллий ҳаракатли ўйинлардан фойдаланиш ёш ва жинсни ҳисобга олган ҳолда жисмоний сифатларни устувор ривожлантириш тамойили бўйича уларни аниқ табақалаштирилмай амалга оширилмоқда. 3. 7‐10 ёшли ўқувчиларнинг жисмоний сифатларнинг ривожланиш даражасини тавсифловчи кўрсаткичларнинг ёш ўзгаришларига хос хусусиятларни таҳлил этиш натижасида қуйидаги қонуниятлар аниқланди: ‐ жисмоний ривожланиш ва жисмоний тайёргарлик кўрсаткичлари ўртасида корреляцион боғлиқлик (ўрта ва юқори) борлиги аниқланди. 7 ёшли ўғил ва қиз болаларда 3х 10 мокисимон югуришда тана узунлиги, 150 гр .ли теннис коптогини нишонга уришда ўпканинг тириклик сиғими, ўнг ва чап қўл кучлари ораларида катта боғланиш борлиги маълум бўлди. 8 ёшли ўғил ва қиз болаларда арғамчидан сакраш, турган жойдан узунликка сакраш, 150 гр .ли теннис коптогини нишонга уриш, 150 гр .ли теннис коптогини улоқтириш, ўпканинг тириклик сиғими, ўнг ва чап қўл кучлари ривожланганлигини кузатилди. Бу эса тадқиқот натижаларининг самарадорлиги, болалар соғлигига катта таъсир ўтказишини кўрсатди. 9.10 ёшли ўғил ва қиз болаларда жисмоний тайёргарлик кўрсаткичлари яхши бўлганлиги учун барча жисмоний ривожланиш яъни корреляцион боғланиш кўрсаткичлари 7‐8 ёшдагиларга нисбатан катта эканлиги аниқланди. 4. 7‐10 ёшли тажриба гуруҳи ўғил ва қиз болаларининг юқори стартдан 30 метрга югуришда натижалар 13 фоиздан 27 фоизгача яхшиланганлиги аниқланди.Чаққонлик ва тезкорлик сифатлари бўйича 3х10 метр мокисимон югуришда йил якунида 7‐ ёшли ўғил ва қиз болаларнинг кўрсатган натижалари 9 фоиздан 20 фоизгача яхшиланди. Асосан юқори стартдан 30 метрга югуришда ва 3х10 метрга мокисимон югуришда 9‐10 ёшли ўғил ва қиз болаларнинг натижалари 7‐8 ёшли болалардан анча юқори эканлиги кўринди.Куч‐ тезлиги тести бўйича натижалар қуйидагича: турган жойдан узунликка сакрашда 14 фоизгача ва 150 гр.ли теннис коптогини улоқтиришда 15 фоизгача 7‐10 ёшли ўғил ва қиз болаларнинг натижалари яхшилангани намоён бўлди. 8 метр масофадан 150 гр .ли тўпни 5 имкониятдан нишонга уришда 7‐10 ёшли тажриба гуруҳи ўғил ва қиз болаларининг натижалари 19 фоиздан 34 фоизгача яхшиланган. 5. Миллий ўйинлар жараёнида эришилган билим ва малакалардан ижодий фойдаланиш лаёқатини болаларда тарбиялашга эътибор қаратиш лозим, шунингдек , юз берган салбий руҳий ҳолатларни тез бартараф қила олиш лаёқатини ривожлантириш ҳам ниҳоятда муҳим аҳамиятга эга.

АДАБИЁТЛАР РЎЙХАТИ:

1. Узбекистон Республикаси Призиденти Шавкат Мирзиеев Мурожатномаси
2.Абдуллаева М. Болалар ўйинларида ўзаро муносабатлар //Бошланғич таълим.‐ Тошкент, 2000. ‐№3..‐Б. 47‐48 .
3. Абдумаликов Р.Физкультура ҳаракатини кенгайтириш йўллари. –Т.: Медицина .1988.‐ 131 б.
4. Абдуназаров С. Боғча –мактаб мажмуасида соғлом, баркамол, эркин шахсни тарбиялаш . Ўзбекистон Республикаси халқ таълими вазирлигининг ахборотномаси ‐Тошкент. 2001.‐ №34.‐ Б 2634
5. Абдурахмонов И.Р. Узбекские народные игры .: Т .: Автореф.дис.... канд. фил. наук.‐ Т., 1997. ‐24 с.
6.Абдуқодиров А.. А., Фозилов Ф.Н., Умрзоқов Т.Н. Ҳисоблаш математикаси ва дастурлаш.‐ Т., Ўқитувчи, 1996.‐ 218 б.
7. Вайнбаум Я.С. Жисмоний тарбия гигиенаси.‐ Т.: Ўқитувчи. 1988.‐184 с. 
8. Галиев Ш. Ўзбек болалар ўйин фольклори . –Т.:Фан.1998.‐ 
96.б.
9.Гомин Л.В. Развитие социальной зрелости учащихся средних профессионально‐технических училищ.: Автореф дис.... канд.пед.наук.‐ М.: 1991.‐25 с.
10. Джумаев. З . Взаимодействие школы и семьи как фактор формирования у школьников интереса к физический культуре.:Дис. . . канд. пед. наук.‐Чарджоу, 1983.‐ 37с.
11. Детские подвижные игры народов СССР. Сост . А.В.Кенеман.‐М.: Просвещение. 1988.‐ 239 с.
12.Дубовис М.С. Физическая культура школьников 4‐8 классов.Киев. 1979.‐53 с. 
13. Жуковский М.А. Пока организм формируется. –М.: Педагогика. 1985.‐96 с. 
14.Журавлева В.И. Наблюдение – метод педагогического исследования. Методы педагогического исследования.‐М.: Просвещение. 1972.‐342 с.
15.Зациорский В. М. Физические качества спортсменов. ‐М.: // ФиС .1978. ‐212 с.
16.Зохидов. З. Ю. Некоторые аспекты мировозрения Ибн Сино. Сб.: Абу Али ибн Сино. К 1000‐летию со дня рождения. ‐Т.: Фан. 1980.48‐49 с. 
17. Игошев К. Е ., Миньковский Г .М. Семья , дети , школа .‐М.: Юрид.лит. 1989. ‐ 448 с. 
18.Игры и развлечения. Книга 1.Сост. Л.М. Фирсова– М:. Молодая гвардия. 1989.‐22‐37 с.
19. Ильин Е. Психофизиология физического воспитания. ‐М .: Просвещение .1980 .‐125с.
20. Йўлдошева Р.А. Ўқувчиларни ўйин воситасида тарбиялаш // Совет мактаби. 1983 . № 6.‐16‐17‐б

Internet saytlari:

21. www.milliyo’yinlar.uz
22. www.harakatlioyinlar.uz
23.www.xalqoyinlari.uz
24.wwwqiziqoyin.uz
25.www.uz
26.www.ziyo.uz
27.www.tadqiqot.uz
28.www.tajriba.uz
29.www.student.uz
30.www.harakatlioyin.uz