М у н д а р и ж а. Кариш

Найза, тўп, граната улоқтириш мусобақаларини
ўтказиш жойларига қўйиладиган талаблар
9.4.1. Найза, тўп, граната улоқтириш жойлари зарб билан югуриб келиш йўлкачасидан ҳамда эгри шаклли планкадан улоқтириш учун бурчаги тахминан 29^о(±0,1^о) ли сектор кўри-нишидаги снарядлар ерга тушадиган ва белгилар чизилган участкадан иборат (28-расм).
Амалда найза тушадиган секторга белги қўйиш учун 12-б расмда келтирилган чизмадан фойдаланилади.
9.4.2. 0,07 м кенгликдаги планкалар фанердан ясалган бўлиши мумкин ёки тупроққа бўёқ билан чизилади. Биринчи ҳолатда улар югуриб келиш йўлкаси сирти билан бир текисликда ётадиган қилиб ўрнатилади ҳамда оқ бўёқ билан бўялади.

28-расм. Найза, тўп, граната улоқтириш жойи(ўлчамлари мм ларда)
Эгри шаклдаги планка 8 м радиус бўйича (ички қирраси бўйлаб) қайрилган. Планканинг хорда бўйлаб узунлиги – 4 м.
Эгри шаклли планканинг ҳар икки учига «муртлар» қилинган бўлиб, уларнинг узунлиги – 0,75 м, кенглиги – 0,07 м, «муртлар» планка ишланган хом ашёдан тайёрланади, югуриб келиш йўлкачаси сирти билан бир текисликда ётадиган қилиб, унинг бўй ўқига перпендикуляр равишда ўрнатилади. Улар ҳам оқ рангга бўялади.
9.4.3. Қопламали югуриб келиш йўлкаси югуриш йўлкалари қопламаларига қўйиладиган талабларга жавоб бериши лозим. Чимли қопламадан ҳам зарб билан югуриб келиш мумкин.
Йўлкачанинг узунлиги камида 30 м, аммо 36,5 м дан ошмаслиги, бутун узунлик бўйлаб кенглиги 4 м бўлиши керак.
Йўлкача ҳар икки томондан эни 50 мм ли оқ чизиқлар билан чегараланади, бу чизиқларнинг югуриб келиш йўна-лиши бўйича қиялиги 1:1000 дан, кўндаланг йўналиши бўйича қиялиги эса 1:100 дан ошмаслиги шарт.
9.4.4. Зарб билан югуриб келиш йўлкасининг ҳар икки томонида ва ерга тушиш сектори чегараларидан ташқарида ён чизиқлар бўйлаб ёт буюмлардан ҳоли бўлган, эни камида 1 м ли ҳамда югуриб келиш йўлкаси ва ерга тушиш сектори сирти билан бир текисликда ётувчи йўлка ажратилиши керак.