M. T. Yulchieva, N. T. Atamuratova

Savrinjondoshlar  oilasi  (Melantfioideae).  Bu  oila  vakillari  ildizpoyali, 
tugunak  piyozboshli  o‘simliklardir.  To‘pguli  poyasining  uchida  joylashgan. 
Onaligi  3  (4)  ta  erkin  poychalidir,  Mevasi  ko‘sak  bo‘lib  pishganda  hamisha 
to‘sig‘idan chatnaydi. 
Savrinjon  avlodi  (Colchicum).  Bu  avlod  vakillari  tugunak  piyozboshli, 
barglari  tasmasimon,  ildiz  bo‘g‘zidan  chiqqan,  erta  bahorda  yoki  kuzda 
gullovchi  o‘t  o‘simliklardir.  Ularning  tugunak  piyozboshi  parda  bilan 
qoplangan.  Guli  yirik,  yakka,  ikki  jinsli.  Gulqo‘rg‘oni  uzun  naysimon;  sariq, 
oq,  pushti  va  gilos  rangda  bo‘lib,  tagi  birikkan.  Onaligi  6  ta,  3  tasi  uzunroq. 
Bunga  45  tur  kiradi.  Ularning  hammasi  zaharli  bo‘lib,  mollar  yemaydi.  Ular 
Yevropa, G‘arbiy Osiyo va Shimoliy Afrikada tarqalgan bo‘lib, shundan 2 turi 
O‘zbekiston  florasida  uchraydi.  Kisselringi  savrinjoni  (S.  Kesselringi)ning 
tugunagi  piyozchasi  tuxumsimon  chuziq,  etli,  po‘st  bilan  uralgan,  bargi  3—8 
ta, tasmasimon, guli ko‘pincha  oq bo‘lib, Tyanshan  va  Pomir-Oloy  tog‘larida 
va uning etaklarida o‘sadi. Sariq gulli savrinjon (S. lutlum) ham yuqoridagi 
savrinjon o‘sgan yerlarda tarqalgan bo‘lib, undan gulining sariq rangda, 
ko‘pincha  yakka-yakka  joylashishi,  bargining  3-5  ta  bo‘lishi  bilan  farq 
qiladi.