M. T. Yulchieva, N. T. Atamuratova

Liliyadoshlar 
oilasi 
(Lilioideae).Oila 
vakillari  piyozboshli  o‘t 
o‘simliklardir.  Ularning  gullari  yirik,  yakka  yoki  siyrakdir,  shingil  to‘pgulda 
joylashgan. Gulqo‘rg‘oni rangli, bargchalari erkin yoki bir oz birikkan. Mevasi 
chokidan chatnaydigan ko‘sakchadir.  
Liliya  avlodi  (Lilium).Bu  avlod  vakillari  piyozboshchasi  sirtdan  qalin 
tangachabarglar  bilan  qoplangan,  poyasi  oddiy,  ba’zan  uchi  shoxlangan  o‘t 
o‘simliklardir.  Poyasidagi  barglar  navbatlashib  yoki  doira  hosil  qilib 
o‘rnashgan.  Guli  yirik,  qo‘ng‘iroqsimon,  oq,  qizil,  sariq,  gilos  rangli, 
gulqo‘rg‘oni  6  ta  erkin  bargchadan  iborat.  Otaligi  6  ta,  onaligi  3  uyali,  ko‘p 
urug‘kurtakli.  Bu  avlodga  60  ga  yaqin  tur  kiradi,  ular  shimoliy  yarim  sharda 
tarqalgan. 
Oq  gulli  liliya  (L.  Candidum)dekorativ  o‘simlik  sifatida  O‘zbekistonda 
ba’zan gulxonalarda va xonadonlarda ekiladi. 
Lolalar avlodi (Tulipa). Bu avlod vakillari piyozboshli, bahorda ochiladigan 
yirik  gulli,  hidsiz  o‘t  o‘simlikdir.  Poyasi  bargli,  guli  qizil,  sariq,  oq  rangli, 
yakka,  ba’zan  2—3  tadan  bo‘lib  poyasining  oxirida  joylashadi.  Gulqo‘rg‘oni 
keyin tushib ketadigan 6 ta gultojsimon erkin bargchadan iborat. Otaligi 5 
ham  6  ta,  erkindir.  Tugunchasi  ustki,  uchta  mevabargli,  uch  uyali  va 
ko‘p  urug‘kurtakli.  Mevasi  3  qirrali  ko‘sakchadir.  Lolalar  avlodiga  120 
tur kiradi. Ular Yevropa va Osiyoning O‘rta poyasida o‘sadi. 
O‘zbekiston florasida lolaning 21 turi uchraydi. 
Bu avlodning eng muhim turlaridan biri greyg lolasi (T. greigii)dir. U  

---

325 
 
piyozi  tuxumsimon,  yug‘onligi  4  sm,  buyi  20—40  sm  keladigan 
o‘simlikdir  (88-rasm).  Uning  bargi 
3—4 
ta  bo‘lib,  unda  pushti, 
gunafsha  rangli  dog‘lari  bo‘ladi. 
Guli  sarg‘ish-qizil,  ba’zan  sariq 
bo‘lib,  osti  qora  dog‘li  bo‘ladi. 
Aprelda 
gullaydi. 
Toshkent 
viloyatida  va  Namangan  atrofidagi 
tog‘ etaklarida ko‘p tarqalgan.