M. T. Yulchieva, N. T. Atamuratova

Piyozdoshlar  oilasi  (Alloideae).  Bu  oila  vakillari  piyozboshli  yoki 
qisqa  ildizpoyali  o‘simliklardir.  Ularning  to‘pguli  soyabonsimon  bo‘lib, 
ochilishiga  qadar  2  ta  enlik,  ba’zan  qo‘shilib  o‘sgan  pardasimon  o‘rama 
barg bilan qoplangan yoki gullari yirik bo‘lib, bittadan joylashadi. 

---

323 
 
Piyoz  avlodi  (Allium).  Bu  avlod  vakillari  piyozboshli,  ildizpoyali  va 
piyozi  hidli  o‘simliklardir  (87-rasm).  Ularning  barglari  etli,  suvli, 
tasmasimon  yoki  naychasimon  bo‘lib,  ildiz  bo‘g‘zidan  chiqadi. 
Gulpoyasi  bargsiz  va  shoxlanmagan  bo‘lib,  uchi  ochilishiga  qadar 
pardasimon  ikkita  gulyonbargchaning  qo‘shilishidan  hosil  bo‘lgan  qin 
bilan o‘ralgan soyabonsimon to‘pgul bilan tugaydi, Gulqo‘rg‘on barglari 
6  ta,  erkin  yoki  tagi  birikib  o‘sgan.  Otaligi 6  ta, onaligi 1  ta,  tugunchasi 
ustki,  3  uyali  bo‘lib,  har  qaysi  uyasi  2  urug‘kurtaklidir.  Mevasi 
ko‘sakcha. 
Bu  avlod  inson  hayotida  juda  muhim  ahamiyatga  ega  va  antibiotiklarga 
boy  bo‘lgan  sabzavot  o‘simligi  bo‘lib,  yer  sharining  hamma  qismida 
tarqalgan.