M. T. Yulchieva, N. T. Atamuratova

 
 
 
 
                              
                                                   
  
 
85-rasm. Oddiy tog‘jambili (O. Vulgare).
 
Oddiy  tog‘jambili  (O.  Vulgare).  Bu  barglari  tuxumsimon,  cho‘ziq, 
chetlari  tekis,  bandli,  gullari  mayda,  pushti,  binafsha  rangli  bo‘lib,  Rossiya, 

---

315 
 
Ukrainada  keng  tarqalgan.  Oshqozon-ichak  kasalliklarini  davolashda  va 
yo‘talga qarshi dori tayyorlashda vositachi sifatida ishlatiladi. 
Yalpiz avlodi (Mentha). Bu avlod vakillari kosachasi qo‘ng‘iroqsimon va 
5  tishli,  gultoji kichik,  qariyb  to‘g‘ri  va 4  bo‘lakchali.  Otaligi  4  ta,  xushbo‘y 
hidli  ko‘p  yillik  o‘simliklardir.  Yevropaning  mo‘tadil  iqlimli  zonasida 
tarqalgan.  O‘zbekiston  florasida  4  turi  mavjud.  O‘zbekistonda  Osiyo  yalpizi 
(M.asiatica) keng tarqalgandir. Uning gullari binafsha rangli, ingichka tuklar 
bilan  qoplangan,  baland  bo‘lib,  shoxchalarining  uchida  boshoqsimon  to‘pgul 
hosil qiladi. Yalpizlar  ariq  va  kanal  bo’ylarida, qalin bo‘lib  o‘sadi.  Kalampir 
yalpiz(M.  pipireta) hamda jingalak yalpizlar (M. crispa) ekiladi. Bularning 
efir  moylarida  mentol,  linalol  na  boshqalar  bor.  Mentol  meditsinada  hamda 
atir-upa va ovqat sanoatida keng miqyosda ishlatiladi. 
Oddiy  rayhon  (Ocimum  basillicum).  Bu  poyasi  to‘g‘ri,  shoxlangan,  buyi 
25—40  sm  keladigan,  gultoji  kosachadan  2  marta  uzun,  2  labli  bir  yillik 
o‘simlikdir.  U  dekorativ  va  ziravor  o‘simlik  sifatida  ko‘p  joylarda  ekiladi. 
Rayhon bir qancha navlarga ajratiladi. Oq rayhon, qora rayhon, oshrayhon. 
Lavanda avlodi (Lavandula). Bu avlod vakillari 30 turdan iborat chala buta 
va butalardir. Ular  O‘rta  dengizda, Afrikada, Ost-Indiyada  tarqalgan. Ikki turi 
ekilgan holda uchraydi. 
Asl  lavanda  (L.  vera).  Bu  gullari  ko‘k  yoki  to‘q,  binafsha  rangli  juda 
xushbo‘y  hidli  chala  butadir.  Efir  moyi  olish  uchun  Qrimda,  Kavkazda  va 
Moldaviyada ekiladi. Efir moyidan odekolonlar tayyorlanadi. Quritilgan gullari 
kiyimlarni kuyadan saqlash uchun ularga sepiladi.