M. T. Yulchieva, N. T. Atamuratova

Ayugalar 
avlodi 
(Ajugeae).Bu 
avlod 
vakillari 
kosachasi 
qo‘ng‘iroqsimon,  tomiri  10  ta,  otaligi  4  ta,  yong‘oqchalari  qiyshiqroq 
birikkan o‘simliklardir. 50 turdan iborat bo‘lib, O‘zbekistonda 2 turi (A. 
turkestanica va A. genevensis) o‘sadi. 
Birinchisi  chala  buta,  gullari  qizg‘ish  bo‘lib,  Surxondaryo  viloyatida 
toshloq  va  soz  tuproqli  yerlarda  o‘sadi.  Ikkinchisi  ko‘pyillik  o‘t,  gullari 
ko‘k bo‘lib, Toshkent bog‘larida manzarali o‘simlik sifatida o‘stiriladi. 
Zufo  avlodi  (Nepeta).  Bu  avlod  vakillari  bir  yillik  va  ko‘pyillik  o‘t 
o‘simliklardir.  150  turdan  iborat,  shimoliy  yarim  sharqda  tarqalgan.  18 
turi  O‘zbekistonda  o‘sadi.  Mushuk  zufosi  (N.  Catana).  Bu  gullari  och 
pushti,  ostki  lablarida  qizil  nuqtalari  bo‘lgan  baquvvat  ko‘p  yillik  o‘t 
bo‘lib, bog‘larda, tog‘larning daralarida o‘sadi. 
Eremostaxis avlodi (Eremostochys). Bu avlod vakillari gullari yirik, 
uzunligi  2  sm  dan  oshadi,  gultoji  oq-sariq,  to‘q  pushti,  oq  binafsha 
rangli,  2  labli,  ustki  labi  gumbazsimon,  shlemsimon,  ostki  labi  3 
bo‘lakchali,  yong‘oqchalari  3  qirrali  ko‘p  yillik  o‘tlardir.  Ildizida 
sholg‘omsimon  yoki  tugunaksimon  yo‘g‘onlashgan  tarmoqlari  bo‘ladi. 
O‘zbekiston  florasida  36  turi  mavjuddir.  Ular  ko‘proq  tog‘li  rayonlarda 
tarqalgan.