M. T. Yulchieva, N. T. Atamuratova

 
 
 
LISHAYNIKLAR BO‘LIMI — LICHENES 
 
Lishayniklar  dastlab  o‘simliklarga  qo‘shib  o‘rganilar  edi,  lekin  hozirgi 
vaqtda  aniqlanishicha,  lishayniklar  ko‘proq  zamburug‘larga  yaqin  deb 
ta’kidlanmoqda. 
Lishayniklar  simbioz  (kelishib  yashaydigan)  organizmlar  bo‘lib, 
ularning  morfologik  tanasi  asosan  zamburug‘lardan  tuzilgan.  Lekin  ularning 
tanasida suvo‘tlar ikki tartibda joylashgan. Zamburug‘ gifalari bilan suvo‘tlari 
bir  xil  tartibda  aralashgan  bo‘lsa,  gomeomer  deb  ataladi  va  ular  dastlabki 
lishayniklar  deb  qaraladi.  Agar  zamburug‘  gifalari  lishayniklarning  ustki 
qavatida  zich  joylashib  po‘stloq  hosil  qilsa  va  po‘stloqni  tagida  gifalar  siyrak 
joylashib orasida suvo‘tlar joylashsa geteromer tuzilish deb ataladi. 
Lishayniklar  butun  tanasi  bilan  kerakli  moddalarni,  suv  bug‘ini  va 
karbonat  angidridni  yutadi.  Lishayniklarning  tanasi  juda  sekin  o‘sadi,  eng 
kattasi  bir  necha  o‘n  santimetrga  boradi.  Morfologik  tuzilishiga  ko‘ra 
lishayniklar uch guruhga bo‘linadi. 
Ko‘piksimon  lishayniklar.  Ular  biror  narsaning,  ayniqsa  tosh  ustida 
o‘sib, qurg‘okchilikka juda chidamli bo‘ladi. 
Bargsimon  lishayniklar.  Ular  ham  biror  narsada,  ayniqsa  daraxtlarning 
po‘stlog‘ida uchraydi.  
Shoxli  lishayniklar.  Ular  asosi  bilan  tuproqqa  joylashadi.  Shoxli 
lishayniklar bepoyon tundrani ishg‘ol qilib, bug‘ularning sevimli oziq moddasi 
hisoblanadi (60 – rasm). 
 

---

227