M. T. Yulchieva, N. T. Atamuratova

Xitridiomitsetlar  yoki  arxiomitsetlar  sinfi  —  Chytridiomycetes  — 
Archimycetes 
Bu  sinfga  kiruvchi  zamburug‘larning  tanasi  yalang‘och  yoki 
rivojlanmagan  mitselliy  va  rizomitselliydan  iborat.  Ular  bir  xivchinli 
zoosporalar yordamida jinssiz ko‘payadi. 

---

223 
 
Jinsiy  ko‘payishi  izogamiya,  geterogamiya,  oogamiya  yo‘li  bilan  sodir 
bo‘ladi.  Bu  sinfga  oid  olpidium  (olpidium  brassica)  karamning  ildiz 
bo‘g‘zining  qorayishi,  so‘ng  qurib  qolishiga  sabab  bo‘ladi.  Karamni  mazkur 
zamburug‘  bilan  zararlanmasligi  uchun  u  siyrak  qilib  ekiladi,  ortiqcha 
namlikka yo‘l qo‘ymaslik choralari ko‘riladi. 
Zigomitsetlar (fikomitsetlar) sinfi — Zygomycetes (Phycomycetes) 
Mazkur  sinfga  kiruvchi  zamburug‘lar  yer  yuzida  parazit  va  saprofit 
holda oziqlanib, hayot kechiradi. Bunga saprofit holda yashaydigan mukor — 
mog‘or zamburug‘i misol bo‘ladi. U nam joylardagi oziq moddalarda, go‘ngda 
va  organik  birikmali  joylarda  oq  tuksimon  shaklda  rivojlanadi.  Mog‘orning 
tanasi  -  mitselliysi  juda  shoxlanib  ketgan,  lekin  to‘siqlar  bilan  ayrim 
hujayralarga  bo‘linmagan,  ingichka  rangsiz  ipchalar  yig‘indisidan  iborat. 
Mog‘or  jinssiz  yo‘l  bilan  tanasida  hosil  bo‘lgan  sporangiylar  ichidagi  ko‘p 
miqdordagi sporalar orqali ko‘payadi. Jinsiy ko‘payganda, ularda alohida jinsiy 
hujayralar  hosil  bo‘lmaydi,  balki  ikki  qo‘shni  ipchalarning  uchida  shish  hosil 
bo‘lib,  ular  qo‘shilib  zigota  hosil  qiladi.  Zigota  mitselliydan  ajraladi.  Zigota 
tinim  davrini  o‘tab,  so‘ng  o‘sib  chiqadi.  Vegetativ  yo‘l  bilan  ko‘payganda 
gifalari ayrim hujayralarga aylanib kurtaklanib ketadi ( 57-rasm).