M. T. Asqarova, G‘. E. Zaxidov, L. F. Amirov

4.2- rasm. O‘zbekiston Respublikasida iste’mol narxlari indeksi 
dinamikasi, o‘tgan yilning dekabr oyiga nisbatan % 
 
Metodologiyadagi o‘zgarishlar: Respublikamiz aholisining 
iste’mol savatiga kiruvchi meva-sabzavotlar guruhidagi 16-18 
turdagi mahsulotlarni xalqaro andozalarda belgilanganidek har oyda 
bir xil miqdorda emas, balki eng pishiqchilik fasllarida, masalan, 
kartoshka, piyoz, sabzi kabi mahsulotlarni katta miqdorda, odatda 
oktyabr va noyabr oylarida eng arzon paytda ko‘p miqdorda xarid 
qilib, qish oylarida, ya’ni narxi qimmat fasllarda kamroq xarid 
qilishini hisobga olib, metodologiyaga ma’lum o‘zgartirishlar 
kiritilgan. Unga ko‘ra yilning har bir oyida aholi tarafidan 16 turdagi 
meva-sabzavotlarni qancha miqdorda xarid qilingan bo‘lsa, iste’mol 
savatida ushbu vazn qo‘llanila boshlandi. Ya’ni, yangi 
metodologiyaga ko‘ra turli davr mobaynida istemol va xarid 
qilinayotgan mahsulotlarning tarkibining o‘zgarishlari ham hisobga 
olina boshlangan. 
2018-yilning dekabr oyida mamlakat iste’mol bozoridagi 
tovarlar va xizmatlar narxi o‘rtacha 2,1 %ga oshdi. Umumiy hisobda 
2018-yil davomida iste`mol sektoridagi inflatsiya darajasi 14,3 %ni 
tashkil etdi. 

---

61 
4.3- rasm. O‘zbekiston Respublikasida inflatsiya darajasi 
(narxlar o‘sishi %da)
 
 
2018-yil davomida INIning o‘rtacha oylik o‘sish sur’ati 1,1%ni 
tashkil etib, iqtisodiyotga inflyatsion bosim sentabr oyidan boshlab 
kuchayib borgan. Jumladan, 2018-yilning oxirgi to‘rt oyi davomida 
tovar va xizmatlarning iste`mol narxlari o‘sish darajasi 7,6 %ni tashkil 
etdi. 
2017-yil davomidagi INI o‘rtacha oylik o‘sish sur`ati ham 1,1 % 
darajasini tashkil etgan. 2017-yilning sentabr-dekabr oylarida iste`mol 
sektoridagi umumiy inflatsiya darajasi ko‘rsatkichi 7,6 %ni tashkil 
etgan.