М о р ф о л о г и я сўз туркумлари

Фақат кўпликда қўлланиладиган отлар

§ 27. Инглиз тилида кўпгина жуфт предметлар номлари фақат кўпликда қўлланилади (ўзбек тилида эса ушбу отлар мазкур предметнинг бир донасини ифодалашда бирликда қўлланилади): scissors қайчи, trousers шим, spectacles кўзойнак, scales тарози, tongs омбур:

These scissors are very sharp. Бу қайчи жуда ўткир.
Your trousers are too long. Шимингиз жудаям узун экан.
Where are my spectacles? Менинг кўзойнагим қаерда?
Юқоридаги гапларда аслида бир предмет (бир қайчи, бир дона шим, битта кўзойнак) хақида гапирилаётган бўлса хам, ушбу отлар сонда мослашишда кўплик шакллари билан мослашади: these scissors are, trousers are, spectacles are.
§ 28. Қуйидаги отлар инглиз тилида фақат кўпликда қўлланилади: goods товар(лар), contents мазмун, мундарижа, clothes уст-бош, кийим, proceeds тушум, wages ойлик маош, riches бойлик(лар):
These (кўрсатиш олмоши, кўпликда) goods have (ёрдамчи феъл to have, кўпликда) arrived from Tashkent. Бу товар(лар) Тошкентдан келган.
The contents of the letter have not been changed. Хатнинг мазмуни ўзгармаган.
His clothes were wet as he had been caught in the rain. Ёмғирда қолганлиги учун унинг кийим(лар)и хўл эди.
The proceeds of the sale of the goods have been transferred to Moscow. Товар сотишдан тушган тушум Москвага ўтказилди.
§ 29. People одамлар оти кўплик маъносида қўлланилади:
There were many people there. У ерда кўп одамлар бор эди.
Лекин, people миллат, халқ маъносида ишлатилса, бирликда хам, кўпликда хам ишлатилиши мумкин, бунда у кўпликда peoples шаклини олади:
The Uzbek people is hard-working. Ўзбек халқи мехнатсевардир.