М о р ф о л о г и я сўз туркумлари

§ 10. Бирликдаги шакли о билан тугаган отларнинг кўплик шакли уларнинг бирлик шаклига –es қўшиш билан ясалади: hero қахрамон – heroes қахрамонлар, tomato помидор - tomatoes помидорлар.
Лекин, piano (пианино) ва photo (расм) отларининг кўплик шакли уларга –s қўшимчаси қўшиш билан ясалади: pianos пианинолар, photos расмлар.
§ 11. Бирликдаги шакли f билан тугаган отларнинг кўплик шакли ушбу отларнинг бирлик шаклига –es қўшиш билан ясалади, бунда сўз охиридаги f харфи v харфига ўзгаради: leaf барг + es = leaves барглар, wolf бўри – wolves бўрилар.
Отларнинг бирликдаги шакли fe билан тугаса, бундай отларнинг кўплиги уларга –s қўшиш билан ясалади, бунда f харфи v харфига ўзгаради: knife пичоқ +s = knives пичоқлар, wife хотин – wives хотинлар.
Лекин, баъзи f ва fe билан тугаган отларнинг кўплиги уларга –s қўшиш билан ясалади, бунда f ва fe харфлари v харфига ўзгармайди: chief бошлиқ – chiefs бошлиқлар, handkerchief рўмолча – handkerchiefs рўмолчалар, roof том – roofs томлар, safe сейф – safes сейфлар.
От сўз туркумига кирувчи wharf пристань сўзининг кўплик шакли иккита: wharfs ва wharves.


Отларда кўплик ясалишининг алохида холлари

§ 12. Баъзи отларнинг кўплик шакли уларнинг бирлик шаклига –s қўшимчаси қўшиш билан ясалмайди, яъни, ушбу отлар кўплик шаклининг ясалиши умумий қоидага бўйсунмайди. Бундай отларнинг кўплик шакли уларнинг ўзагидаги унлиларнинг ўзгариши билан ясалади:

Бирлик шакли Кўплик шакли
man эркак киши men
woman аёл киши women
foot оёқ feet
tooth тиш teeth
goose ғоз geese
mouse сичқон mice