М о р ф о л о г и я сўз туркумлари

What? қандай, which? қайси, whose? кимнинг сўроқ олмошлари:

Whose pencil is this? Бу кимнинг ручкаси?
On which floor do you live? Сиз қайси қаватда яшайсиз?
Изох: Юқорида айтилганидек, отлар бир жойда фақат битта аниқловчига эга бўлиши мумкинлиги сабабли, менинг дўстларимнинг кўпи, сизнинг хар бир хатонгиз ва бошқаларни инглиз тилига many my friends, each your mistake каби таржима қилиш мумкин эмас. Ушбу холатларда биринчи олмошдан сўнг of предлоги ишлатилади: many of my friends, each of your mistakes.
§ 53. Аниқловчилар ўзи аниқлаб келган отлардан о л д и н туради. Агар отни аниқлаб келувчи бошқа сўзлар мавжуд бўлса, ушбу сўзлар аниқловчи ва отнинг о р а с и д а туради:
Pushkin created the Russian literary language. Пушкин рус адабий тилини яратган.
His first scientific work was a great success. Унинг биринчи илмий иши катта муваффақиятга эришди.


АРТИКЛЬ (THE ARTICLE)


§ 1. A, an, the – артикллари отларнинг асосий аниқловчилари хисобланади. Ўзбек тилида артикллар мавжуд эмас.

1. 
   A ва an – н о а н и қ артикллар деб номланади (the Indefinite Article). The – а н и қ артикл деб номланади (the Definite Article). Артикллар ўзига урғу қабул қилмайди, яъни урғу артиклларга тушмайди.
   
2. 
   Ноаниқ артиклнинг шакли бўлган a у н д о ш товушлар билан бошланадиган сўзлардан олдин ишлатилади: a table стол, a book китоб. Ноаниқ артиклнинг иккинчи шакли an у н л и товушлар билан бошланадиган сўзлар билан ишлатилади: an author муаллиф, an arm қўл, an old man чол.
   

Изох: 1. U харфи билан бошланадиган сўзлар билан, агар ушбу харф [ju:] деб ўкилса, a артикли ишлатилади (чунки, бундай сўзлардаги биринчи товуш [j] ундош товуш хисобланади): a union иттифоқ. Агар u харфи [a] деб ўкилса, у холда an артикли ишлатилади (чунки, бундай сўзлардаги биринчи товуш [a] унли товуш хисобланади): an umbrella соябон.
2. H харфи билан бошланадиган сўзлар билан, агар h ўкилмаса, an артикли ишлатилади (чунки, бундай сўзлардаги биринчи товуш унли товуш бўлади): an hour бир соат. Агар h харфи ўкилса, у холда a артикли ишлатилади: a hunter овчи.