M. Mirsaidov

Chet el investorlariga qulaylik yaratish

Chet el investorlari va investitsiyalariga teng huquqli kafolat, ularni doimiy ravishda muntazam himoyalash va xavfsizligini ta’-minlash xizmatlari ko’rsatiladi. Chet el investitsiyalari uchun yara-tilgan huquqiy tartiblar O’zbekiston Respublikasining huquqiy va jismoniy shaxslariga yaratilayotgan shart-sharoitlardan kam bo’lmas-ligi ko’zda tutilgan. Shuni inobatga olish lozimki, eng asosiy ji-hatlardan biri bo’lgan va huquqiy ma’noda mamlakat qonunchiligi-dagi o’zgarishlardan investorlarni himoya qiluvchi kafolatlar o’ziga xos bo’lishi kerak.
Ular shundan iboratki, agar ularni bajarish davomida chet el investorlari yoki investitsiyalariga ziyon etish xavfi tug’ilsa, qonun-chilik hujjatlari ular manfaatlarini himoya qiladi. Mabodo, O’zbe-kiston Respublikasining keyingi qonunchilik tartiblari tufayli, bu jihat investitsiyalash sharoitlarini yomonlashtirgan taqdirda chet el investitsiyalariga o’n yil davomida investitsiyalash davrida hara-katda bo’lgan qonunchilik tartiblari qo’llaniladi. Qabul qilingan tartibga ko’ra, chet ellik investorlar yangi qonunchilikdagi o’z manfa-atlariga xizmat qiluvchi, investitsiyalash sharoitlarini yaxshilovchi qoidalarni qo’llashga haqlidir.
Chet el investorlariga qulaylik yaratish qonunchilik tomonidan va me’yoriy-huquqiy tartibda mustahkamlangan O’zbekistonda inves-titsion jarayonlarni qo’llab-quvvatlash uchun rivojlangan institu-tsional infratuzilmalar tashkil etilgan bo’lib, bular - O’zbekiston Respublikasi Prezidenti huzuridagi islohotlashtirish va investi-tsiyalar bo’yicha tashkilotlararo Kengash, Vazirlar Mahkamasidagi investitsion dasturlar Departamentidan iborat. Qoraqalpog’iston Respublikasi, viloyat hokimiyatlari va Toshkent shahrida chet el in-vestitsiyalari kiritilgan korxonalarni tashkil etish va faoliyatini koordinatsiyalash bo’yicha doimiy harakatdagi ishchi guruhlari tashkil etilgan. Yiliga qabul qilinadigan Davlat investitsion dasturlari-da respublikada amalga oshirilayotgan investitsion siyosat talablari har taraflama hisobga olinadi.
O’zbekiston Respublikasi Vazirlar Mahkamasining 2003 yil 205-sonli "To’g’ridan-to’g’ri chet el investitsiyalarini huquqiy himoya-lashni kuchaytirish bo’yicha qo’shimcha chora-tadbirlar to’g’risida»gi qarori buning yorqin namunasidir.