М. М. Мусаев компьютер тизимлари ва тармоқлари

Оптик толали Ethernet тармоғи.
Ethernet тармоғи 10-мегабитли маълумот узатиш муҳити сифатида оптик толадан фойдаланади. Асосий кабель тури сифатида оптик толали стандартлар 1 километрда 500-800 МГц ўтказиш частотага эга бўлган кўп модли оптик толаларни таклиф қилади. Бир неча Гегагерц ўтказувчи полосага эга бўлган ва бир мунча қиммат бўлган бир модли оптик тола қўлланиш мумкин, фақат бунда махсус турдаги трансиверларни қўллаш керак бўлади.
Функционал жиҳатдан оптик толада Ethernet тармоғи 10Base-T стандарти одатдаги тармоқ адаптеридан, кўп портли такрорловчилар ва адаптер билан такрорловчини уловчи кабель қирқимлари каби элементлардан ташкил топади. Ўрама жуфт кабели каби тармоқ адаптерини такрорловчи билан боғлаганда иккита оптик тола – биттаси адаптернинг Т_х чиқишига ва такрорловчининг R_x киришига уланади, бошқаси эса адаптернинг R_x киришига ва такрорловчининг Т_х чиқишига уланади.
Ушбу технологиянинг асосий стандартларини кўриб чиқамиз.
FOIRL стандарти (Fiber Optic Inter-Repeater Link – такрорловчилар ўртасидаги оптик канал) Ethernet тармоқларида оптик толалардан фойдаланиш учун биринчи стандартни ўзида акс эттиради. У такрорловчилар орасида 1 километргача масофага кафолат беради. Тармоқнинг ихтиёрий боғламалари ўртасидаги такрорловчилар сони 4 тага тенг. 10Base-5 стандарти каби тармоқнинг максимал диаметри 2500 м. бўлиб, барча 4 та такрорловчилар, бундан ташқари такрорловчилар ва охирги боғламалар орасидаги кабель узунлиги рухсат этилган ўлчамгача фойдаланишга йўл қўйиб бўлмайди, акс ҳолда 5000 м. тармоқ ҳосил бўлади.

5.1-жадвал

Параметр	10Base-5	10Base-2	10Base-T	10Base-F
Кабель тури	RG-8 ёки RG-11 йуғон коаксиал кабель	RG-58 ингичка коаксиал кабель	3,4,5-даража-лардаги экран-лаштирил-маган ўрама жуфт	Кўп модли оптик толали кабел
Сегментнинг максимал узунлиги, м	500	185	100	2000
Тармоқ боғламалари орасидаги максимал оралиқ (м)	2500	925	500	2500 (10Base-FB учун 2740)
Сегментдаги максимал станциялар сони	100	30	1024	1024
Ихтиёрий тармоқ станциялари орасидаги такрорловчилар сони	4	4	4	4 (10 Вase-FB учун 5)