M. DÁWletov, A. DÁWletov, Z. IsMAylova, A. DÁWletova

Tapsırmalardı orınlań
1. Seske eliklewish sózlerdi keltirip 3 gáp jazıń.
2. Kóriniske eliklewish sózlerdi keltirip 2 gáp jazıń.
3. Dara, jup hám tákirar eliklewishlerdiń hárqaysısına bir-
birden yadtan gáp tawıp jazıń. Jup eliklewish penen tákirar 
eliklewishtiń ayırmashılıǵın túsindiriń.
6 — Qaraqalpaq tili, 7-kl

---

82
4. Dara hám tákirarlanǵan eliklewishlerdi 
et
kómekshi feyili 
menen dizbeklestirip, eki gáp dúziń. Quraǵan gáplerińizdegi 
eliklewish sózler bayanlawısh bolıp kelsin.
152-shınıǵıw
.
Oqıń. Eliklewish sózlerdi tawıp, olardıń mánisi 
boyınsha qaysı túri ekenin hám morfologiyalıq qurılısın aytıń.
1. Qasqırdıń tisleri shıqır-shıqır etedi. 2. Pańq-pańq, gúrs-
gúrs atılǵan mıltıq dawısları qulaǵıńdı pitep taslaydı. 3. Tań 
tolıq atqan máhálde, sırt-sırt basqan aǵash gewishiniń tıqıldısı 
esitildi. 4. Anaw aq shapanlı mırs-mırs kúldi. 5. Júzi mıń 
jılǵı tastay mıj-mıj. 6. Onıń gedir-budır sózi de jaǵıp baratır. 
7. Qara bultlar awıl ústine kelgende, gúldirmama gúrkirep, 
jarq-jurq ete qaldı. 
(Ǵ. S.)
8. Parr etip ushqan qırǵawıllar 
aspanǵa kóteriledi. 
(Ó. X.)
9. Uzaqtan jalt-jult etip duman 
arasınan otlı jalın kórindi. 
(A. Á.)
153-shınıǵıw
.
Kóshirip jazıń. Eliklewish sózlerdi dizbeklesip 
kelgen kómekshi feyiller menen birge astın sızıń hám olardıń 
qurılısına qaray qanday feyil jasap kelgenin, qaysı aǵzanıń 
xızmetinde ekenin túsindiriń.
1. Awıl kempirleri shuw ete qaldı. 2. Aradan bes-altı kún 
ótkennen keyin jalańlaǵan jas jigitler awılǵa saw ete qaldı. 
3. Qádimgi gúlmıyıq arba dóńgelegi arasınan jalt etip kózge 
kórinedi. 
(Ǵ. S.)
4. Qalashı jılt etip bir shabaq suw betine 
shapshıp shıqtı. 
(S. S.) 
5. Bir ǵone háwliniń mushında Juma 
sap ete qaldı. 6. Aspan birden part-part etti de, jawın jawa 
basladı. 
(Ó. X.) 
7. Asqardıń ayaqları dir-dir etedi. 
(A. Bek.)