4-klass ushın diktant jumısı. 75 sózden ibarat. JaqsíLÍq jerde qalmas

4-klass ushın diktant jumısı. 75 sózden ibarat.

JAQSÍLÍQ JERDE QALMAS

Bir hárre suw ústinde ushıp júrer edi. Birden suwǵa jalp etip túsip ketti. Qanatları ıǵallanıp, ushıwǵa dármanı bolmadı. Bunı bir kepter kórip, hárrege júregi ashıp, dárhal bir shópti tislep, suwǵa tasladı.
Biyshara hárre shópke órmelep minip alıp, onı keme qılıp, suw bálesinen qutıldı. Aradan kóp waqıt ótpedi. Bir bala duzaq qurıp, kepterdi uslamaqshı boldı. Hárre bunı kóriwden-aq, balanıń qulaǵın shaǵıp aldı. Bala qulaǵınıń awırǵanına shıdamay, duzaqtı taslap jiberip qulaǵın usladı. Kepter hárreniń jaqsılıǵın bilip, ushıp ketti.