M. DÁWletov, A. DÁWletov, Z. IsMAylova, A. DÁWletova

Ádepli 
— isi menen ádepli. 2.
 Ekewi
ishke kirip keldi. 
Altı
ekige bólinedi. 3. 
Qıymıldaǵan
qır asar. 4. 
Juwırıw 
— sporttıń bir túri. 5. Jaydıń 
tasırlısı
kóbeyip ketti. 
Erteń 
— demalıs. 
163-shınıǵıw
.
Tekstti oqıń. Tekst boyınsha kitaptı sıpatlap, 
mazmunın sóylep beriń hám bas aǵzalardı tawıp, olardıń qanday 
sóz shaqabınan bolǵanın aytıń.
Áy, áziz. Adam ushın kitaptan ázizirek hám jaǵımlılaw 
sırlas joq. Jalǵızlıqta ol teńi joq sırlas. Onda heshqanday perde 
hám giyne joq. Ol sonday joldas, sózlerinde heshqanday ótirik 
hám qáte bolmaydı. Gúrrińinen adamǵa zálel keltirmeydi. Ol 
óz dostınıń kewlin qaldırmaydı. Júregin jaralamaydı. Ol son-
day joldas, kisi arqasınan ǵıybat aytpaydı. Onıń gúrrińinen 
saǵan sonday paydalar keledi. Bunday paydanı adamlardan taba 
almaysań. Kerisinshe, jaramas adamlardıń sózlerinen adamǵa 
zálel keledi. Kitaptay dostıń ishinde barlıq ilim-bilim jaylasqan, 
ol insanlardı ótmishten hám keleshekten xabardar etip turadı. 
Sonlıqtan da, «Kitap — aqıl qalası» — degen. 
(Muhammed Jabal-
rudiy)
164-shınıǵıw
.
 
Kóshirip jazıń. Gáplerdegi baslawıshlardı tawıp, 
astın sızıń. Olardıń qanday sóz shaqapları arqalı bildirilgenin 
anıqlań.

---

90
1. Jıllar ótedi. Bul balalar ósip, jigit bolıp erjetedi. 2. Olar 
Káramat tawınan da biyigirek, taza tóbelerge kóteriletuǵın 
boladı. Olar bir kóldi ǵana janlandırıp qoymastan, aspandı da 
ózlestiriwge talaplanadı.
3. Sizler buǵan isenesizler me? Men isenemen. 
(M. K.)
Jaqsı isi menen jaqsı. Bilegi kúshli birdi jıǵadı, bilimi kúshli 
mıńdı jıǵadı. 
(Naqıl)
4. Birewden ekew jaqsı. 5. Kóp kópligin 
etedi, az azlıǵın etedi. 
(Naqıl) 
6. Uyalmaǵan buyırmaǵan 
astan ishedi. 
(Naqıl) 
7. Júziw — dene shınıqtırıwǵa paydalı. 
8. Japtıń kópirine jańa mine bergende shambır-shambır esi-
tildi. 
(A. B.)
165-shınıǵıw.
Tómendegi berilgen sózlerdi baslawısh etip gáp 
dúziń. Dúzgen gáplerińiz keńeytilgen hám keńeytilmegen gáp 
túrinde bolsın hám baslawıshlardıń astın sızıp, onıń qanday sóz 
shaqabı ekenin túsindiriń.