M. DÁWletov, A. DÁWletov, Z. IsMAylova, A. DÁWletova

56-shınıǵıw.
Berilgen gáplerdi oqıń. Gezekles dánekerlerdi tawıp, 
birgelkili aǵza hám gáplerdi baylanıstırıw mánilerin túsindiriń.
1. Hawızdaǵı jalpaq balıq, shortan balıq, ılaqa balıqlar 
gá suwdıń betine júzip shıǵıp, nannıń taslanǵan qıyqımların 
jeydi, gá bulqınıp oynap súńgip ketedi. 2. Báhár jamǵırı gá 
jawıp, gá tınadı, quyash bultlardıń arasınan gá kórinedi, gá 
jasırınadı. 3. Ol jer ólshep júrgen atasınıń qasına, birese ájesi 
Ayshanıń qasına keledi. 
(S. Sh.)
4. Hawa rayı kúnine qırq 
qubıladı, birde quyash kórinip aynalanı ısıtadı, birde silpile-
gen jawın burshaqlı qarǵa ulasadı. 
(T. Q.) 
5. Geyde botalaq 
anasınıń átirapında ebeteysiz túrde tayrańlap, sekirip-sekirip 
oynaqlaydı, geyde ol qorada jalǵız ózi qalsa anasın izlep 
bozlaytuǵın edi.
(Sh. A.) 6. 
Jılımnıń qalqıları birese batıp, 
birese kórinip turadı.
(Ó.A.)

57-shınıǵıw
.
Berilgen gáplerdegi kóp noqatlardıń ornına tó-
mendegi gezekles dánekerlerdiń muwapıq keletuǵının qoyıp kóshiriń 
hám baylanıstırıw xızmetin (jay gáplerdi me yamasa birgelkili 
aǵzalardı ma) anıqlań.
1. ... jawın burshaqqa aylandı, ... qar epelekleydi. 
(T. Q.) 
2. Sóytip, aq shashlı analar, káywanı hayallar meni ... ót-
mishke, ... baxıt tańı atqan kúnlerge ertip ketedi. 
(Ó.X.) 
3. Kún ... ashılıp, ... túnerip bultlasadı. 
(T. Q.)
4. Ol jipektey 
qolı menen ... basımnan, ... shashımnan sıypaydı. 
(Ó. X.)
5. Hawa rayı ... túneredi, ... kún jadıraydı, ... nóser jawın 
tamshılaydı, ... aynala tazarıp, nápes alıw keńeyedi, ... Qa-
raqum jaqtan kóterilgen shańǵıt kóz ashtırmaydı. 
(T. Q.)
Dánekerler:
gá, birese, bazda, gáhi, geyde.
58-shınıǵıw