M. DÁWletov, A. DÁWletov, Z. IsMAylova, A. DÁWletova

D án e k e r l e r :
sonlıqtan, óytkeni, nege deseń, sebebi, 
sonda da.
§15. Nátiyje dánekerleri
Jay gáplerdegi is-háreketlerdiń biriniń biri isleniw 
nátiyjesin bildiretuǵın dánekerlerge nátiyje dánekerler 
delinedi.
Nátiyje dánekerleriniń xızmetin 
sonlıqtan, sol sebepli, 
sonıń ushın, nátiyjede, sonıń nátiyjesinde
dánekerleri 
atqaradı.
Nátiyje bildiriwshi dánekerler is-hárekettiń nátiyjesi 
bolǵan gáptiń aldında keledi.
Jazıwda nátiyje dánekerlerdiń aldına útir qoyıp 
jazıladı. M ı s a l ı : Kún ayaz edi, 
sol sebepli
bala qalıń 
kiyingen.
Bundaǵı birinshi gáptegi is-háreket ekinshi gáptegi is-
hárekettiń isleniw nátiyjesin bildiredi.
64-shınıǵıw
.
Gáplerdi oqıń. Nátiyje dánekerlerin tawıp, olardıń 
gáplerdi baylanıstırıw mánilerin túsindiriń.
1. Ol elatlı punktlerden alıs, sol ushın sol jerden jumıs-
shılar posyolkasın salıw kerek. 
(S. S.)
2. Geypara adamlar 
meni tıńlaǵısı kelmedi, nátiyjede suwdıń kiyatırǵan jaǵındaǵı 
qashını suw basıp ketti. 3. Bul biz ushın úlken quwanısh, 
sol sebepli ómirimde seni keń peyillik penen sıylayman. 
(M. Sh.) 
4. Men okeannıń túbinde turaman, sonıń ushın da 
bizler hesh waqıtta bir-birimizdi kórgenimiz joq. 
(Ertekten) 
5. Kóbisiniń nawaları, suw saqlaǵıshları joq, sonlıqtan qudıqtıń 
suwları qumǵa sińip nátiyjeli paydalanılmay atır. 
(«E. Q.»)

---

37
65-shınıǵıw
. Kóshirip jazıń. Dánekerlerdiń astın sızıp, olardıń 
xızmeti hám mánisin aytıń.
1. Qorıqtaǵı jalǵızaqlar adamnan qorqpaydı, sonlıqtan 
olardı jaqsı baqlawǵa boladı. 
(V. B.)
2. Siz meniń atamnıń 
qolınan kóp duz ishken adam ekensiz, sonıń ushın men sizdi 
ózimniń atamday kóremen. 
(B. B.) 
3. Hámmesine ózi jaqsı 
túsinedi, sol sebepli Gúlbiyke sır bermey jaqsı tıńlap otır. 
(T. Q.)
4. Emlewshi shıpakerler onıń operaciya etilgen ayaǵın 
uwqalaw, keriw hám sozıw usılların asırdı, nátiyjede ayaq 
burınǵı qáddine kele basladı. 
(Ó. X.) 
5. Ákemniń ózinen úlken 
aǵası biyperzent eken, sol ushın anam meni qáyinbiykesiniń 
etegine salıptı. 
(Ó. X.)