Л.ҚУрбонова, М. Назаров илмий тадқиқот методологияси

КИРИШ
Курснинг мақсади–талабаларда илмий техник ижодиётни малакасини шакллантириш, зарур бўлган фан назарий асослари, ижодий тафаккурнинг фалсафий методологияси, ҳозирги замон фанларининг долзарб муаммолари ҳақида чуқур билим беришдан иборат.
Курснинг вазифалари: муҳандислик ижодиётининг асосий йўналишлари, тамойиллари ва методларининг умумий таснифи ҳақида билим ва тушунчага бериш.
Курснинг тутган ўрни: техник ҳамда фалсафий билимларнинг илмий стандартлари, усуллари, воситалари, технологияларини аниқлаб олишда муҳим ўрин эгаллайди. Илмий‑техникавий тадқиқотлар ва изланишларни стратегик йўналишларини белгилаб олишда муҳим методологик аҳамият касб этади.
Талабалар билимига қўйиладиган талаблар:

• 
  Техник тафаккурнинг моҳияти, шакллари, фан ва илмий ижод;
  
• 
  фан тараққиёти, илмий билиш динамикаси;
  
• 
  техник ижод илмий ижоднинг махсус шакли эканлиги;
  
• 
  мухандислик тафаккури‑илмий билиш шакли сифатида, замонавий методологик тамойиллар;
  
• 
  техника, табиатшунослик асослари, фалсафанинг билиш тизимидаги ўзаро алоқаси, синергетика ва эвристика, фан ва ахлоқ каби масалаларни илмийлик асосида таҳлил қилиш кўникмасига эга бўлишлари мақсадга мувофиқ.
  

Ўқитишдан кутиладиган натижа:
- техник ижод илмий ижоднинг махсус шакли эканлиги;
- тарихий реконкструкция моделлари, ҳозирги замон дунё манзарасида рационалликнинг онг ва тафаккурнинг олий кўриниши сифатида акс этиши;
- техник новацияларнинг асосий хусусиятлари, муҳандислик тафаккур-нинг ўзига хос услуби, билим шаклларининг хилма-хиллиги: илм ва илмий эмпирик билим, эзотеризм, фан мутаносиблиги тўғрисида тушунчаларига эга бўлиш;
- ижтимоий‑табиий, техник жараёнларнинг замонавий методлари синергетика, бифуркация, флуктация, хаос, диссипация, ночизиқлик каби тушунчалар доирасида тасаввур ҳосил қилиш;
- XXI асрнинг долзарб муаммолари ва уларни ҳал қилиш усуллари ҳақида тасаввурга эга бўлиш.